ମୋ ବସ୍ ଯାତ୍ରୀଙ୍କଠାରୁ ୪୨ ହଜାର ଟଙ୍କା ଚୋରି !

ଭୁବନେଶ୍ୱର: ମୋ ବସ୍‌ରୁ ପୁଣି ଚୋରି । ଭୁବନେଶ୍ବରରେ ମୋ ବସ୍ ଯାତ୍ରୀଙ୍କଠାରୁ ୪୨ ହଜାର ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି । ନୟାଗଡ଼ର ବିରଞ୍ଚି ସେଠୀ ଓ ତାଙ୍କ ପତ୍ନୀ ମୋ ବସ୍‌ରେ ବାଣୀବିହାରରୁ ଖଣ୍ଡଗିରି ଯିବା ବେଳେ ନୟାପଲ୍ଲୀଠାରେ ଚୋରି ହୋଇଛି । ବନ୍ଧକ ରଖିଥିବା ସୁନା ମୁକୁଳାଇବା ପାଇଁ ଟଙ୍କା ନେଇ ଯାଉଥିଲେ । ନୟାପଲ୍ଲୀଠାରେ ପକେଟରେ ଟଙ୍କା ନଥିବା ଜାଣିପାରିବା ପରେ ଦମ୍ପତି ଏ ନେଇ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ତଦନ୍ତ ଆରମ୍ଭ କରିଛି ପୋଲିସ ।