ମୋବାଇଲ୍ ଆପ୍ ମାଧ୍ୟମରେ କୋଟିଏରୁ ଅଧିକ ଟଙ୍କା ଠକେ
ବାଲେଶ୍ୱର: ମୋବାଇଲ୍ ଆପ୍ ମାଧ୍ୟମରେ କୋଟିଏରୁ ଅଧିକ ଟଙ୍କା ଠକେଇ । ବାଲେଶ୍ବର ଅଙ୍ଗାରଗଡ଼ିଆରୁ ଅଭିଯୁକ୍ତ ନିଲେଶ କୁମାର କରକୁ ଗିରଫକରି କୋର୍ଟ ଚାଲାଣ କରିଛି କ୍ରାଇମ୍ବ୍ରାଞ୍ଚ । ନିଲେଶର ଘର ଉପରେ ଚଡ଼ାଉ କରି ଏକାଧିକ ମୋବାଇଲ ସହିତ କାଗଜପତ୍ର ଜବତ କରିଛି ଟିମ୍ । ପଚରା ଉଚରା ପରେ ତାକୁ ସ୍ବତନ୍ତ୍ର ଓପିଆଇଡି କୋର୍ଟରେ ହାଜର କରାଯାଇଥିଲା ।
ମୋବାଇଲ ଆପ୍ ଡ଼ାଉନ୍ଲୋଡ କରି ସେହି ଆପ୍ ମାଧ୍ୟମରେ ଟଙ୍କା ଲଗାଇବା ଓ ଲାଭ ପାଇବା ନେଇ ଅଭିଯୁକ୍ତ ନିଲେଶ ପ୍ରଚାର କରିଥିଲା । ଲୋକେ ଆପ୍ ଡ଼ାଉନ୍ଲୋଡ କରି ଠକାମିର ଶିକାର ହୋଇଥିବା ନେଇ ସହଦେବଖୁଣ୍ଟା ଥାନାରେ ଅଭିଯୋଗ ହୋଇଥିଲା । ପୋଲିସ ଏହି ମାମଲାକୁ କ୍ରାଇମ୍ବ୍ରାଞ୍ଚକୁ ହସ୍ତାନ୍ତର କରିବା ପରେ ଆଜି କ୍ରାଇମ୍ବ୍ରାଞ୍ଚର ଏକ ଟିମ୍ ଅଭିଯୁକ୍ତକୁ ଗିରଫ କରିଛି ।
