ସମସ୍ୟା ଘେରରେ ଡମ୍ବଗୁଡା ସରକାରୀ ବିଦ୍ୟାଳୟ

ମୋହନା : ସ୍ମାର୍ଟ କ୍ଲାସ ରୁମରେ ମାଳ ମାଳ ଅବ୍ୟବସ୍ଥା।  ବିପଦପୂର୍ଣ୍ଣ ଭାବେ ଚାଲିଛି ପିଲାଙ୍କ ପାଠପଢା । ଦେଖନ୍ତୁ କିପରି କାନ୍ଥ ଫାଟି ଆଁ କରିଛି। କେତେବେଳେ ଯେ ଭୁଶୁଡି ପଡିବ ତାହା କହିବା ମୁସ୍କିଲ। କାନ୍ଥରୁ ଟାଇଲ ଖସି କିଛି ଛାତ୍ର ଆହତ ବି ହୋଇଛନ୍ତି। ଏ ଦୃଶ୍ୟ ହେଉଛି ଗଜପତି ଜିଲ୍ଲା ମୋହନା ବ୍ଲକ ଦୁର୍ଗମ ଅଞ୍ଚଳ ଡମ୍ବଗୁଡା ସ୍କୁଲର। ଏହି ବିଦ୍ୟାଳୟରେ ପ୍ରଥମରୁ ଦଶମ ଶ୍ରେଣୀ ପର୍ଯ୍ୟନ୍ତ ୧୫୨ ଜଣ ପିଲା ପାଠ ପଢୁଛନ୍ତି। ଯେଉଁଠି ଅଛନ୍ତି ମାତ୍ର ୬ ଜଣ ଶିକ୍ଷକ। ବିଦ୍ୟାଳୟରେ କମ୍ପ୍ୟୁଟର ଅଛି, କିନ୍ତୁ ନେଟୱାର୍କ ନ ଥିବାରୁ ହୋଇପାରୁନି ସ୍ମାର୍ଟ କ୍ୟାସ। ଶ୍ରେଣୀ ଗୃହର କାମ ନିର୍ମମlନର ହୋଇଥିବାରୁ ମାତ୍ର ଦୁଇ ବର୍ଷ ଭିତରେ ଏଭଳି ସ୍ଥିତି ହୋଇଥିବା ଅଭିଯୋଗ ହୋଇଛି।

୪୫ ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଥିଲା ସ୍କୁଲ। ମାତ୍ର ୨ ବର୍ଷ ଭିତରେ ଶ୍ରେଣୀ ଗୃହ କୋଠା ଭିତର ଫାଟି ଆଁ କଲାଣି। ନିମ୍ନମାନର କାମ ଯୋଗୁଁ ଏଭଳି ହୋଇଥିବା ଅଭିଯୋଗ ହୋଇଛି। କେବଳ ଛୋଟ ମୋଟ ମରାମତି କରିବା ସହିତ ରଙ୍ଗ ମାରି ବିଦ୍ୟାଳୟ କାମ ସାରି ଦିଆଯାଇଥିବା କହିଛନ୍ତି ସ୍ଥାନୀୟ ଲୋକେ । ତେଣୁ ସମସ୍ୟାର ତୁରନ୍ତ ସମାଧାନ କରିବାକୁ ଦାବି ହୋଇଛି। ବିଦ୍ୟାଳୟର ଭିତ୍ତିଭୂମି ମରାମତି ପାଇଁ ଟଙ୍କା ଅନୁମୋଦନ ହେଉଛି। ହେଲେ କାମ ନିମ୍ନମାନର ହେଉଥିବାରୁ, ସରକାର ଏଦିଗରେ ଦୃଷ୍ଟି ଦେବା ଜରୁରୀ ହୋଇପଡ଼ିଛି।