ନବୀନ ସରକାର ଅମଳର ବନ୍ଦର ନୀତିରେ କାମ କରିବେ ମୋହନ ସରକାର

ଭୁବନେଶ୍ବର: ଅନ୍ତର୍ଦ୍ଦେଶୀୟ ନୌପରିବହନ କ୍ଷେତ୍ରରେ ଓଡ଼ିଶା ଦୁର୍ବଳ । ଆଗକୁ ଏ ସ୍ଥିତି ରହିବନି । ପୂର୍ବ ବିଜେଡି ସରକାର କରିଥିବା ବନ୍ଦର ନୀତି ଏବେ ବି ବଳବତ୍ତର ରହିଛି । ଏହାକୁ ଆଗକୁ ନେବାକୁ ପଡ଼ିବ । ଆଜି ଉତ୍କଳ ଚାମ୍ବାର୍ସ ଅଫ୍‌ କମର୍ସଠାରେ ଆୟୋଜିତ ଦୁଇ ଦିନିଆ ଅନ୍ତରାଷ୍ଟ୍ରୀୟ ସମ୍ମିଳନୀକୁ ଉଦଘାଟନ କରିବା ଅବସରରେ ଏପରି ପ୍ରତିଶ୍ରୁତି ଦେଇଛନ୍ତି ରାଜ୍ୟ ସରକାର ।

ନୌପରିବହନ କ୍ଷେତ୍ରରେ ବ୍ୟାପକ ବିପ୍ଲବ ଆଣିବାକୁ ଆହ୍ବାନ ଦେଇଛନ୍ତି ବାଣିଜ୍ୟ ଓ ପରିବହନ ବିଭାଗ ପ୍ରମୁଖ ସଚିବ । ସେ, କହିଛନ୍ତି ଜାତୀୟ ନୌପରିବହନ-୫ ଅନ୍ତର୍ଗତ ଧାମରାରୁ ପାରଦୀପ ଓ ତାଳଚେର ପର୍ଯ୍ୟନ୍ତ ଜଳପଥର ବିକାଶ କରାଯିବା । ଏକାଧିକ ଲିଙ୍କ୍‌ ଯୋଗେ ବିକାଶ ହେବ ୫୮୮ କିଲୋମିଟର । ପୂର୍ବ ସରକାର ସମୟରେ ହୋଇଥିବା ପ୍ରକଳ୍ପଗୁଡ଼ିକର ତ୍ବାରାନ୍ବିତ କରିବାକୁ ବିଭାଗ ତପ୍ତର ।