ଖୁବଶୀଘ୍ର ଦଳକୁ ଫେରିବେ ମହମ୍ମଦ ସାମି

ନନ୍ଦିଘୋଷ ବ୍ୟୁରୋ: ବର୍ଡର ଗାଭାସ୍କର ଟ୍ରଫିରେ ଟିମ ଇଣ୍ଡିଆର ଶୋଚନୀୟ ପରାଜୟ ପରେ ଦଳର ପ୍ରଦର୍ଶନ ଆଗକୁ କେମିତି ରହିବ ତାକୁ ନେଇ ବିଭିନ୍ନ ଚର୍ଚ୍ଚା ଆରମ୍ଭ ହୋଇଛି । ତେବେ ଆଗକୁ ଭାରତ ଆଇସିସି ଚାମ୍ପିୟନ୍ସ ଟ୍ରଫି ଖେଳିବ । ଏଣୁ ଦଳରେ କାହାକୁ ସ୍ଥାନ ମିଳିବ ଏମିତି ଚର୍ଚ୍ଚା ଭିତରେ କୁହାଯାଉଛି କି, ଦଳକୁ ଖୁବଶୀଘ୍ର ଫେରିବେ ଦୃତ ବୋଲର ମହମ୍ମଦ ସାମି । ଫେବୃଆରୀ ୧୯ରୁ ଟୁର୍ଣ୍ଣାମେଣ୍ଟ ଆରମ୍ଭ ହେଉଥିବାବେଳେ ଭାରତ ମ୍ୟାଚ ୨୦ରୁ ହେବ । ଜାନୁଆରୀ ୧୨ ତାରିଖ ସୁଦ୍ଧା ଟିମ ଚୟନ ପାଇଁ ଆଇସିସି ପକ୍ଷରୁ କୁହାଯାଇଥିବାବେଳେ ଭାରତୀୟ ଦଳରେ କାହାକୁ ସ୍ଥାନ ମିଳିବ ?

ବୋଲରଙ୍କ ମଧ୍ୟରେ ଜଶପ୍ରିତ ବୁମରାଙ୍କ ସହ ମହମ୍ମଦ ସାମି ଯୋଗଦେବେ ବୋଲି କୁହାଯାଉଛି । ବିଶ୍ବକପ ପରେ ଆହତ ହୋଇଥିଲେ ସାମି । ଏବେ ସେ ପିଟ୍ ହୋଇଥିବାବେଳେ ଫିଟନେସ ପରୀକ୍ଷାରେ ପାସ କଲେ ଦଳରେ ସାମିଲ ହେବେ । ସେପଟେ ଅଭିଜ୍ଞ ବିରାଟ, ରୋହିତଙ୍କ ସହ ଗିଲ ଏବଂ ଶ୍ରେୟସ ଆୟାରଙ୍କ ସ୍ଥାନ ଏକ ପ୍ରକାର ପକ୍କା କହିଲେ ଭୁଲ ହେବନି ।