ନୂଆବର୍ଷରେ ମୋଦିଙ୍କ ନୂଆ ମନ୍ତ୍ର: ‘ଚିକିତ୍ସା ସହ କଠୋରତା’

1 min read

 ରାଜକୋଟ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ଗୁଜୁରାଟର ରାଜକୋଟରେ AIIMSର ଶିଳାନ୍ୟାସ କରିଛନ୍ତି। ଭିଡିଓ କନଫରେନ୍ସିଂ ମାଧ୍ୟମରେ ପିଏମ ମୋଦୀ ଏହି କାର୍ଯ୍ୟକ୍ରମରେ ଭାଗ ନେଇଥିଲେ। ଏହି ଅବଶରରେ ମୋଦି ଦେଶରେ ଖୁବ୍‌ଶୀଘ୍ର କରୋନା ଟିକାକୁ ଜରୁରିକାଳୀନ ମଞ୍ଜୁରୀ ମିଳିଯିବ ଏବଂ ଏହାପରେ ସାରାଦେଶରେ ଟିକାକରଣ ଆରମ୍ଭ ହେବ ବୋଲି କହିଛନ୍ତି। ଏଥିସହ ଟୀକା ଆସିଗଲେ ଅବହେଳା ନ କରି ସତର୍ର୍କତାର ସହ କୋଭିଡ ନିୟମ ପାଳିବାକୁ ମଧ୍ଯ ସେ ବାର୍ତ୍ତା ଦେଇଛନ୍ତି। 

ମୋଦୀ ଆହୁରି କହିଛନ୍ତି ଯେ ନବବର୍ଷ ୨୦୨୧ ଚିକିତ୍ସାର ଏକ ନୂଆ ଆଶାର ସହିତ ଆସୁଛି। ଭାରତରେ ଏହାର ପ୍ରସ୍ତୁତି ଚାଲିଛି। ଟିକାକୁ ପ୍ରତ୍ୟେକ ବର୍ଗରେ ପହଞ୍ଚିବା ପାଇଁ ପ୍ରୟାସ ଜାରି ରହିଛି। ବିଶ୍ୱର ସର୍ବବୃହତ ଟୀକାକରଣ ଅଭିଯାନ ଚଳାଇବାକୁ ଜୋରଦାର ପ୍ରସ୍ତୁତି ଚାଲିଛି।

ମୋଦୀ କହିଛନ୍ତି ଯେ ୨୦୨୧ ସ୍ୱାସ୍ଥ୍ୟ ସମାଧାନର ବର୍ଷ ହେବାକୁ ଯାଉଛି। ଭାରତ ଏବେ ‘ଫ୍ୟୁଚର ଅଫ୍ ହେଲଥ୍’ ଓ ‘ହେଲଥ ଅଫ୍ ଫ୍ୟୁଚର’ରେ ଗୁରୁତ୍ୱପୂର୍ଣ୍ଣ ଭୂମିକା ନେବାକୁ ଯାଉଛି। ଏଥିସହ ସେ ସାରା ବିଶ୍ୱକୁ ଏକାଠି ହୋଇ କରୋନାକୁ ମାତ ଦେବା ପାଇଁ ଆହ୍ୱାନ ଦେଇଛନ୍ତି। ସେ କହିଛନ୍ତି ଯେ ରୋଗ ବର୍ତ୍ତମାନ ସାରା ବିଶ୍ୱରେ ବ୍ୟାପିବାରେ ଲାଗିଛି। ତେଣୁ ସାରା ବିଶ୍ୱକୁ ଏକାଠି ମିଶି ଏହାର ଚିକିତ୍ସା କରିବା ଉଚିତ୍। ଯଦି ଭିନ୍ନ ଭିନ୍ନ ପ୍ରୟାସ କରାଯାଏ, ତେବେ କୌଣସି ଲାଭ ହେବ ନାହିଁ।

Opn Commnet Area

Leave a Reply

Your email address will not be published. Required fields are marked *

Close Bitnami banner