ରଦିଗଦାକୁ ଯିବ ଆପଣଙ୍କ ଗାଡି, ମୋଦି ସରକାର ଆଣିବେ ନୂଆ ପଲିସି

ନୂଆଦିଲ୍ଲୀ: ଯଦି ଆପଣ ପୁରୁଣା ଗାଡ଼ି ବ୍ୟବହାର କରୁଛନ୍ତି ତେବେ ଆପଣଙ୍କ ଗାଡ଼ିକୁ ଜଙ୍କୟାର୍ଡକୁ ପଠାଯିବ । ଏହା ଆମେ କହୁନି… ଏଭଳି ଏକ ନୀତି ନେଇ ଆସୁଛନ୍ତି କେନ୍ଦ୍ର ସରକାର । କେନ୍ଦ୍ର ସରକାର ଖୁବ ଶୀଘ୍ର Vehicle Junk Policy  ନୀତି ନେଇ ଆସୁଛନ୍ତି ଯାହାର ଚର୍ଚ୍ଚା ଦୀର୍ଘ ସମୟ ଧରି ଚାଲିଆସୁଥିଲା ।

କେନ୍ଦ୍ର ମନ୍ତ୍ରୀ ପ୍ରକାଶ ଜାୱେଡକର କହିଛନ୍ତି ଯେ, ଏହି ନୀତି ଖୁବ ଶୀଘ୍ର ଲାଗୁ କରାଯିବ । ସେ କହିଛନ୍ତି ଯେ, Vehicle Junk Policy ପ୍ରସ୍ତୁତ ରହିଛି ଏବଂ ସମସ୍ତ ସମ୍ବନ୍ଧିତ ପକ୍ଷ ଏହା ଉପରେ ନିଜ ନିଜ ରାୟ ଦେଇସାରିଛନ୍ତି ।

ଏହାପୂର୍ବରୁ କେନ୍ଦ୍ର ମନ୍ତ୍ରୀ ନିତିନ ଗଡକରୀ କହିଥିଲେ ଯେ, ପୁରୁଣା ଗାଡ଼କୁ ଜଙ୍କରେ ପରିଣତ କରିବା ପାଇଁ ସରକାର ଏକ ନୀତି ଆଣିବାକୁ ପ୍ରସ୍ତୁତ ଅଛନ୍ତି । ଏହା ଅଧୀନରେ ବନ୍ଦର ନିକଟରେ ରିସାଇକ୍ଲିଂ କେନ୍ଦ୍ର ନିର୍ମାଣ କରାଯାଇପାରିବ । ଗଡକରୀ କହିଛନ୍ତି ଯେ, ପୁରୁଣା କାର, ଟ୍ରକ୍ ଏବଂ ବସ୍ ଜଙ୍କରେ ପରିଣତ ହେବ ।

ଗଡକରୀଙ୍କ ଅନୁଯାୟୀ ଦେଶର ବନ୍ଦରର ଗଭୀରତାକୁ ୧୮ ମିଟର ବୃଦ୍ଧି କରିବାକୁ ସରକାର ନିଷ୍ପତ୍ତି ନେଇଛନ୍ତି । ଏଥିସହ, ବନ୍ଦର ନିକଟରେ ରିସାଇକ୍ଲିଂ ପ୍ଲାଣ୍ଟ ସ୍ଥାପନ କରାଯିବ ଯାହା ଗାଡ଼ିଗୁଡ଼ିକୁ ଜଙ୍କ୍ ରେ ପରିଣତ କରିବ । ଏଥିରୁ ଉତ୍ପନ୍ନ ସାମଗ୍ରୀ ଅଟୋମୋବାଇଲ ଶିଳ୍ପ ପାଇଁ ଉପଯୋଗୀ ହେବ କାରଣ ଏହା କାର, ବସ୍ ଏବଂ ଟ୍ରକ୍ ଉତ୍ପାଦନ ମୂଲ୍ୟ ହ୍ରାସ କରିବ, ଯାହାଦ୍ୱାରା ଆନ୍ତର୍ଜାତୀୟ ବଜାରରେ ଭାରତର ପ୍ରତିଦ୍ୱନ୍ଦ୍ୱିତା ବୃଦ୍ଧି ପାଇବ ।

ଗଡକରୀଙ୍କ ସୂଚନା ମୁତାବକ, ପାଞ୍ଚ ବର୍ଷ ମଧ୍ୟରେ ଭାରତ ସମସ୍ତ କାର, ବସ୍ ଏବଂ ଟ୍ରକ୍ ଗୁଡ଼ିକର ନମ୍ବର ବିନିର୍ମାଣ କେନ୍ଦ୍ର ହେବ । ଯେଉଁଥିରେ ସମସ୍ତ ଉନ୍ଧନ, ଇଥେନାଲ, ମିଥେନାଲ, ବାୟୋ- ସିଏନଜି, ଏଲଏନଜି, ଇଲେକଟ୍ରିକ ସହିତ ହାଇଡ୍ରୋଜେନ ଇନ୍ଧନ ମଧ୍ୟ ସେଲ ହେବ ।