ସଂସଦର ଶୀତ ଅଧିବେଶନ ପରିପ୍ରେକ୍ଷୀରେ ପ୍ରଧାନମନ୍ତ୍ରୀଙ୍କ ସମ୍ୱୋଧନ

ନୂଆଦିଲ୍ଲୀ : ସଂସଦର ଶୀତକାଳୀନ ଅଧିବେଶନ ପୂର୍ବରୁ ଗଣମାଧ୍ୟମକୁ ପ୍ରତିକ୍ରିୟା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏଥରର ଅଧିବେଶନ ବହୁଦୃଷ୍ଟିରୁ ଗୁରୁତ୍ୱପୂର୍ଣ୍ଣ ବୋଲି ପ୍ରଧାନମନ୍ତ୍ରୀ ତାଙ୍କ ଅଭିଭାଷଣରେ କହିଛନ୍ତି । ରାଜ୍ୟସଭାରେ ଏଥର ୨୫୦ ତମ ଅଧିବେଶନ ବସୁଛି । ଏହା ଏକ ଐତିହାସିକ ସମୟ । ଏଥର ଲୋକସଭାରେ ବହୁ ଗୁରୁତ୍ୱପୂର୍ଣ୍ଣ ବିଲ୍ ଆଗତ ହେବାର ସମ୍ଭାବନା ରହିଛି । ଏ ସବୁ ଦୃଷ୍ଟିରୁ ସବୁ ପ୍ରସଙ୍ଗରେ ସରକାର ଖୋଲା ଆଲୋଚନା ଚାହୁଁଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି । କେବଳ ସେତିକି ନୁହେଁ, ବିଭିନ୍ନ ପ୍ରସଙ୍ଗ ଉପରେ ସାଂସଦମାନେ ଭଲ ଡିବେଟ୍ କରିବା ଦରକାର ବୋଲି ପ୍ରଧାନମନ୍ତ୍ରୀ ଆଶା ରଖିଛନ୍ତି । ସମସ୍ତଙ୍କୁ ଶୁଭେଚ୍ଛା ମଧ୍ୟ ଜଣାଇଛନ୍ତି ।

ସାଂସଦମାନେ ଭଲ ବିତର୍କ କଲେ ହିଁ ବହୁ ପ୍ରସଙ୍ଗର ସମାଧାନ ହେବା ସହ ଲୋକଙ୍କୁ ଠିକ୍ ମାର୍ଗ ମିଳିପାରିବ ବୋଲି କହିଛନ୍ତି ପ୍ରଧାନମନ୍ତ୍ରୀ । ବାଦ-ବିବାଦ ଓ ସମ୍ବାଦକୁ ପ୍ରଥମିକତା ଦେବାକୁ ସେ ସାଂସଦଙ୍କୁ ପରାମର୍ଶ ଦେଇଛନ୍ତି । ଚର୍ଚ୍ଚାକୁ ସମୃଦ୍ଧ କଲେ ସଂସଦର ଗରିମା ବଢ଼ିବ ଏବଂ ସବୁ ପ୍ରସଙ୍ଗକୁ ଉଚିତ୍ ପ୍ରାପ୍ୟ ଦିଆଯାଇପାରିବ ବୋଲି ମୋଦି କହିଛନ୍ତି ।

ଚଳିତ ଶୀତ ଅଧିବେଶନରେ ସିଟିଜେନସିପ୍ ବିଲ୍ ଉପରେ ଚର୍ଚ୍ଚା ହେବାର ଅଛି । ବିଜେଡି ଏଥର ପୁଣିଥରେ ପୋଲାଭରମ୍ ପ୍ରସଙ୍ଗ ଉଠାଇବ ବୋଲି ଜଣାପଡ଼ିଛି । ')}