ୟୁପିରେ ବିପୁଳ ବିଜୟ ପରେ ସନ୍ଧ୍ୟାରେ ବିଜେପି କାର୍ଯ୍ୟକର୍ତ୍ତାଙ୍କୁ ସମ୍ବୋଧନ କରିବେ ମୋଦି ଓ ଯୋଗୀ

ନୂଆଦିଲ୍ଲୀ: ଉତ୍ତରପ୍ରଦେଶ ସମେତ ୫ ରାଜ୍ୟରେ ଭୋଟ ଗଣତି ଜାରି ରହିଛି । ବର୍ତ୍ତମାନ ସୁଦ୍ଧା ହୋଇଥିବା ଗଣତିରେ ଉତ୍ତର ପ୍ରଦେଶରେ ପୂର୍ଣ୍ଣ ବହୁମତ ସହ ପୁଣି ଥରେ ସରକାର ଗଢ଼ିବାକୁ ଯାଉଛି ବିଜେପି । ୟୁପିରେ ଦ୍ୱିତୀୟ ଥର ପାଇଁ ସରକାର କରିବା ଏକ ପ୍ରକାର ନିଶ୍ଚିତ ହେବା ପରେ ୟୁପିରେ ଆରମ୍ଭ ହୋଇସାରିଛି ଉତ୍ସବ । ବିଜେପିର ଏହି ବଡ଼ ବିଜୟ ପରେ ଆଜି ସନ୍ଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବିଜେପି କାର୍ଯ୍ୟକର୍ତ୍ତାଙ୍କୁ ସମ୍ବୋଧିତ କରିବେ ।

ସୂଚନା ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ସନ୍ଧ୍ୟା ୬.୩୦ରେ ଦିଲ୍ଲୀ ସ୍ଥିତି ପାର୍ଟି ଅଫିସରେ ପହଞ୍ଚିବେ । ଦିଲ୍ଲୀ ପାର୍ଟି ଅଫିସରେ ମୋଦି ବିଜେପି କାର୍ଯ୍ୟକର୍ତ୍ତାଙ୍କୁ ସମ୍ବୋଧିତ କରିବେ । ସୂଚନା ମିଳୁଛି କି ଆଜି ସନ୍ଧ୍ୟାରେବିଜେପି ସଂସଦୀୟ ଦଳର ବୈଠକ ମଧ୍ୟ ହୋଇପାରେ । ସେହିପରି ଆଜି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବି ସନ୍ଧ୍ୟା ୫ଟାରେ ଲକ୍ଷ୍ନୌରେ ବିଜେପି କାର୍ଯ୍ୟକର୍ତ୍ତାଙ୍କୁ ସମ୍ବୋଧିତ କରିବେ ।

ଉତ୍ତରପ୍ରଦେଶରେ ୩୭ ବର୍ଷ ପରେ ସରକାର ରିପିଟ୍ ହେବାକୁ ଯାଉଛି । ଏହା ପୂର୍ବରୁ ଶେଷ ଥର ପାଇଁ ୧୯୮୫ରେ କଂଗ୍ରେସ ଳଗାତର ଦ୍ୱିତୀୟ ଥର ପାଇଁ ସରକାର କରିଥିଲା । ସେ ସମୟରେ କଂଗ୍ରେସ ୪୨୫ ଆସନରୁ ୨୬୯ ଆସନରେ ବିଜୟ ଲାଭ କରିଥିଲେ । ଏହା ପରେ ଚଳିତ ବର୍ଷ ପୁଣି ଥରେ ସରକାର ରିପିଟ୍ ହୋଇଛି ।