ସହରାଞ୍ଚଳ ପରିବହନ କ୍ଷେତ୍ରରେ ଉତ୍ତମ ପ୍ରଦର୍ଶନ ପାଇଁ କ୍ରୁଟକୁ ମିଳିଲା ଜାତୀୟ ପୁରସ୍କାର

ଭୁବନେଶ୍ୱର: ‘ମୋ ବସ୍’ ସେବା ପାଇଁ ପୁଣି କ୍ରୁଟ୍ ପୁରସ୍କୃତ ହୋଇଛି । କେନ୍ଦ୍ର ସରକାରଙ୍କ ଗୃହ ଓ ନଗର ବ୍ୟାପାର ମନ୍ତ୍ରଣାଳୟ ଦ୍ୱାରା ଆୟୋଜିତ ଅର୍ବାନ ମୋବିଲିଟି ଇନିସିଏଟିଭ୍ ସମ୍ମିଳନୀରେ କ୍ରୁଟକୁ ପୁରସ୍କୃତ କରାଯାଇଛି । ବିଗତ ଏକ ବର୍ଷରେ ସହରାଞ୍ଚଳ ପରିବହନ ପ୍ରକଳ୍ପ କାର୍ଯ୍ୟକାରୀ କରି କ୍ରୁଟ୍ ଉତ୍କର୍ଷତା ହାସଲ କରିଛି ।

ଏଥିସହ ପଢ଼ନ୍ତୁ: ୨୮ ଦିନ ପରେ ଜେଲରୁ ବାହାରିଲେ ଆର୍ଯ୍ୟନ

କୋଭିଡ୍ ମହାମାରୀ ବେଳେ ଏକ ବିପରୀତ ସମୟରେ ମୋ ବସ୍ ଜନସାଧାରଣଙ୍କ ସେବାରେ ଲାଗିଥିଲା । ଏନେଇ ପୁରସ୍କାର ବିତରଣୀ ଉତ୍ସବରେ ବିସ୍ତୃତ ତଥ୍ୟ ରଖିଥିଲେ କ୍ରୁଟର ଜେନେରାଲ ମ୍ୟାନେଜର ଦୀପ୍ତି ମହାପାତ୍ର । କୋଭିଡ୍ ସତ୍ତ୍ୱେ ମୋ ବସ୍ ଦୈନିକ ୧ ଲକ୍ଷରୁ ଅଧିକ ଯାତ୍ରୀଙ୍କ ବିଶ୍ୱାସଭାଜନ ହୋଇ ପାରିଛି ।

Delighted to share that #MoBus has got Award of Excellence in Urban Transport by MoHUA, GoI in the category STATE/UT, WHICH HAS IMPLEMENTED THE BEST URBAN TRANSPORT PROJECTS IN THE PREVIOUS YEAR. Smt. Dipti Mahapatro, GM, CRUT received the award on behalf of the org. #UMI2021 pic.twitter.com/wz8BCpt80I

— Capital Region Urban Transport (@CRUT_BBSR) October 29, 2021

ରାଜ୍ୟର ସହରାଞ୍ଚଳ ପରିବହନ କ୍ଷେତ୍ରରେ କ୍ରୁଟ୍ ଅନନ୍ୟ ଭୂମିକା ଗ୍ରହଣ କରିଛି । ସମୟାନୁସାରେ ଯାତ୍ରୀଙ୍କ ଆବଶ୍ୟକତା ଅନୁଯାୟୀ କ୍ରୁଟର ସେବାକୁ ଆହୁରି ତ୍ୱରାନ୍ୱିତ କରାଯାଉଛି । ସେହିପରି ଆଗାମୀ କିଛିଦିନ ମଧ୍ୟରେ ଇ-ବସ୍, ଇ-ରିକ୍ସା ଲଞ୍ଚ କରିବାକୁ ଯୋଜନା କରି ଓଡ଼ିଶାରେ ଇଲେକ୍ଟ୍ରିକ୍ ଯାନ ନୀତିକୁ ତୁରନ୍ତ ଆପଣେଇ ପାରିଛି ।