ଆଜିଠାରୁ ବଦଳେଇ ହେବନି ମୋବାଇଲ ଅପରେଟର, ଅପେକ୍ଷା କରିବାକୁ ପଡ଼ିବ ୬ଦିନ

ନୂଆଦିଲ୍ଲୀ: ଆଜିଠାରୁ ଆପଣ ମୋବାଇଲ ଅପରେଟରକୁ ବଦଳେଇ ପାରିବେ ନାହିଁ । ପୋର୍ଟେବିଲିଟି ସେବା ଗ୍ରାହକଙ୍କ ପାଇଁ ବନ୍ଦ ରହିବ । ଟ୍ରାଇର ନୂଆ ନିୟମ ପାଇଁ ଏଭଳି ନିଷ୍ପତ୍ତି ନିଆଯାଇଛି । ୪ ତାରିଖରୁ ୧୦ ତାରିଖ ପର୍ଯ୍ୟନ୍ତ ଦେଶରେ ମୋବାଇଲ ନମ୍ବର ପୋର୍ଟେବିଲିଟି ସେବା ବନ୍ଦ ରହିବ । ଏହି ସମୟ ମଧ୍ୟରେ ଉପଭୋକ୍ତା ପୋର୍ଟ୍ ଆଉଟ୍‌ ପାଇଁ ଅନୁରୋଧ ପଠାଇ ପାରିବେ ନାହିଁ ।

ନଭେମ୍ବର ୪ ତାରିଖ ସନ୍ଧ୍ୟା ୬ଟାରୁ ୧୦ ତାରିଖ ରାତି ୧୧ଟା ୫୯ ମିନିଟ ୫୯ ସେକେଣ୍ଡ ପର୍ଯ୍ୟନ୍ତ ଏହି ସେବା ବନ୍ଦ ରହିବ। ଯଦି ବି ଅନୁରୋଧ ପଠାନ୍ତି ତେବେ ତାଙ୍କୁ କୌଣସି ପ୍ରକାରର ଉତ୍ତର ମିଳିପାରିବ ନାହିଁ ।

ଏହି ସମୟ ମଧ୍ୟରେ ନୂତନ ନିୟମକୁ ଲାଗୁ କରିବା ପାଇଁ ଯାନ୍ତ୍ରିକ ବ୍ୟବସ୍ଥାକୁ ସୁଦୃଢ଼ କରାଯିବ । ତେବେ ନଭେମ୍ବର ୧୧ ତାରିଖରୁ ଦେଶରେ ସରଳ ଏବଂ ନୂଆ ପୋର୍ଟିଂ ପାଉଟ୍ ବ୍ୟବସ୍ଥା ମଧ୍ୟରାତ୍ରିରୁ କାର୍ଯ୍ୟକାରୀ ହେବ । ନୂଆ ନିୟମ ଲାଗୁପରେ ୭ ଦିନ ଲାଗୁଥିବା ପୋର୍ଟ ୨ଦିନରେ ସମାଧାନ ହେବ ବୋଲି ଟ୍ରାଇ କହିଛି ।

  ')}