ଶିବସେନା ଭବନ ନିକଟରେ ହନୁମାାନ ଚାଳିଶା ବଜାଇଲେ ଏମ୍ଏନ୍ଏସ୍ କର୍ମୀ
1 min read
ମୁମ୍ୱାଇ: ମହାରାଷ୍ଟ୍ର ନବନିର୍ମାଣ ସେନା ବା ଏମଏନଏସର ନୂଆ କାର୍ଡ । ମୁମ୍ବାଇସ୍ଥିତ ଶିବସେନା ଭବନ ନିକଟରେ ଲାଉଡସ୍ପିକର ଜରିଆରେ ଚାଲିଲା ହନୁମାନ ଚାଳିଶା । ରାଜ ଠାକରେଙ୍କ ଏମଏନଏସର କର୍ମୀମାନେ ବିଭିନ୍ନ ଗାଡ଼ିରେ ଲାଉଡସ୍ପିକର ଜରିଆରେ ହନୁମାନ ଚାଳିଶା ପ୍ରସାର କରିବା ପରେ ପଦକ୍ଷେପ ନେଇଛି ପୋଲିସ ।
ଏହି ଘଟଣାରେ ପୋଲିସ ହସ୍ତକ୍ଷେପ କରି ସେହି ଗାଡିଗୁଡ଼ିକୁ ଜବତ କରିବା ସହ ଏମଏନଏସ ନେତା ଯଶବନ୍ତ କିଲେକରଙ୍କୁ ଅଟକ ରଖିଛି । ତାଙ୍କୁ ଶିବାଜୀ ପାର୍କ ପୋଲିସ ଥାନାକୁ ନିଆଯାଇଛି । ଗତ ସପ୍ତାହକ ତଳେ ବିଭିନ୍ନ ମସଜିଦଗୁଡିକରେ ବାଜୁଥିବା ମାଇକଗୁଡ଼ିକୁ ହଟାଇବା ଲାଗି ଆହ୍ବାନ ଦେଇଥିଲେ ଏମଏନଏସ ନେତା ରାଜ ଠାକରେ ।
ଏପରିକି ଯଦି ମାଇକଗୁଡିକୁ ହଟା ନଯାଏ ତେବେ ମସଜିଦ ବାହାରେ ଅଧିକ ଶବ୍ଦରେ ହନୁମାନ ଚାଳିଶା ପାଠ କରାଯିବ ବୋଲି ସେ ଧମକ ଦେଇଥିଲେ । ରାଜ୍ କହିଥିଲେ- ସେ ପ୍ରାର୍ଥନା ବିରୋଧରେ କିମ୍ବା କୌଣସି ଧର୍ମ ବିରୋଧରେ ନାହାନ୍ତି, ବରଂ ନିଜ ଧର୍ମ ଲାଗି ସେ ଗର୍ବିତ । ପରୋକ୍ଷରେ ସେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ବି କରିଥିଲେ ଟାର୍ଗେଟ । କିଛି ଦିନ ତଳେ ଏମଏନଏସ କର୍ମୀମାନେ ମୁମ୍ବାଇର ଘାତକପୋରସ୍ଥିତ ଦଳୀୟ ମୁଖ୍ୟ କାର୍ଯ୍ୟାଳୟ ସମ୍ମୁଖରେ ହନୁମାନ ଚାଳିଶା ପାଠ କରିଥିଲେ । ଏନେଇ ପ୍ରତିକ୍ରିୟା ରଖିଛନ୍ତି- ଉଦ୍ଧବଙ୍କ ପୁଅ ଆଦିତ୍ୟ । ସେ କହିଛନ୍ତି- ଆମର ହିନ୍ଦୁତ୍ବ ଭାବନା ସମସ୍ତଙ୍କୁ ଜଣା ।
ଏଥିସହିତ ପଢ଼ନ୍ତୁ: ପାକିସ୍ତାନର ନୂଆ ପ୍ରଧାନମନ୍ତ୍ରୀ ହୋଇପାରନ୍ତି ଶାହାବାଜ ସରିଫ, ଆନୁଷ୍ଠାନିକ ଘୋଷଣା କଲେ ବିରୋଧୀ ମେଣ୍ଟ
