ଯାଜପୁର: ମେଡିକାଲ କଲେଜ ଭିତ୍ତିଭୂମି ତଦାରଖ କଲେ ବିଧାୟକ ପ୍ରଣବ ପ୍ରକାଶ, ଜିଲ୍ଲାପାଳ ଚକ୍ରବର୍ତ୍ତି ରାଠୋର

ଭୁବନେଶ୍ୱର :  ଆସନ୍ତା 2022 ସୁଦ୍ଧା ଯାଜପୁର ହେବ ମେଡିକାଲ ହବ୍ । ଯାଜପୁର ମେଡିକାଲ କଲେଜ ଭିତ୍ତିଭୂମି କାମର ଅନୁଧ୍ୟାନ କରିଛନ୍ତି ବିଧାୟକ ପ୍ରଣବ ପ୍ରକାଶ ଦାସ ଏବଂ ଜିଲ୍ଲାପାଳ ଚକ୍ରବର୍ତ୍ତି ସିଂ ରାଠୋର । କରୋନା ପାଇଁ ପ୍ରକଳ୍ପ କାମ ଟିକେ ପଛେଇ ଯାଇଥିବାବେଳେ ଏହାକୁ ଦ୍ରୁତ ଗତିରେ କରାଯିବ ବୋଲି ନିଷ୍ପତ୍ତି ହୋଇଛି । ଭିତ୍ତିଭୂମିର ବିକାଶ ହେବା ପରେ ଏହି ମେଡିକାଲ କଲେଜର ଭିତ୍ତି ପ୍ରସ୍ତର ସ୍ଥାପନ କରାଯିବ । ସେହିପରି ଯାଜପୁର ଜିଲ୍ଲାର ପାଣିକୋଇଲିଠାରେ ପ୍ରସ୍ତାବିତ ଟ୍ରମା କେୟାର ସେଣ୍ଟର ଏବଂ ଜିଲ୍ଲା ସଦର ମହକୁମାରେ ଦ୍ବିତୀୟ ଏମସିଏଚ ବିଲ୍ଡିଂ ହେବା ପରେ ୨ ବର୍ଷ ମଧ୍ୟରେ ଯାଜପୁର ଜିଲ୍ଲା ମେଡିକାଲ ହବ ହେବାକୁ ଯାଉଛି ବୋଲି ଜିଲ୍ଲାପାଳ ସୂଚନା ଦେଇଛନ୍ତି ।