ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ରାତି ଅଧିଆ ଜେରା, ଦୋଷ ମାନି କାନ୍ଦିଲେ

ଭୁବନେଶ୍ୱର: ଟାଟା ମୋଟର୍ସରେ ନିଯୁକ୍ତି ନାଁରେ ଠକେଇ ମାମଲା। ଗିରଫ ହୋଇ ଝାରପଡ଼ା ଜେଲରେ ଥିବା ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ଭିଜିଲାନ୍ସ ଜେରା କରିଛି। ଲୋକାୟୁକ୍ତଙ୍କ ନିର୍ଦ୍ଦେଶରେ ଭିଜିଲାନ୍‌ସ ସେଲ୍‌ର ଏକ ଟିମ୍ ଜେଲରେ ଜେରା କରିଛି। ଗତକାଲି ବିଳମ୍ବିତ ରାତିରେ ପ୍ରଦୀପ ପାଣିଗ୍ରାହୀଙ୍କୁ ଭିଜିଲାନ୍ସ ଜେରା କରିଛି।

ଜେରା ସମୟରେ ଦୋଷ ସ୍ୱୀକାର କରିବା ସହ କାନ୍ଦି ପକାଇଥିଲେ ପ୍ରଦୀପ। କଲା କର୍ମ ପାଇଁ ଫଳ ପାଇଥିବା ଭିଜିଲାନ୍ସ ନିକଟରେ ସ୍ୱୀକାର କରିଥିବା ଜଣାପଡିଛି। ଆଜି ଦ୍ୱିତୀୟ ଦିନ ପାଇଁ ପ୍ରଦୀପଙ୍କୁ ପୁଣି ଭିଜିଲାନ୍ସ ଜେରା କରିବ। ବ୍ରହ୍ମପୁର କୋର୍ଟପେଟା ICICI ବ୍ୟାଙ୍କ ଟ୍ରାଞ୍ଜାକସନ ନେଇ ଖୋଳତାଡ଼ କରିଛି ଭିଜିଲାନ୍‌ସ । ଆଜି ମଧ୍ୟ ପ୍ରଦୀପଙ୍କୁ ଆଉଥରେ ଜେରା କରାଯିବ। ବିଧାୟକ ପ୍ରଦୀପ ପ୍ରଥମରୁ ଜାଣିଥିଲେ ତାଙ୍କ ଭାବି ଜ୍ୱାଇଁ ଟାଟାର ଏମ୍‌ଡି କହି ସମସ୍ତଙ୍କ ଠାରୁ ଟଙ୍କା ଲୁଟୁଥିଲେ ବୋଲି। ଏହା ଜାଣିବା ପରେ ମଧ୍ୟ ବିଧାୟକ ତାଙ୍କର ଶକ୍ତିର ଫାଇଦା ଉଠାଇଥିଲେ।