ଭୁଶୁଡ଼ିଲା ନିର୍ମାଣାଧିନ ପୋଲ, ୧୭ ଶ୍ରମିଙ୍କ ମୃତ୍ୟୁ

ମିଜୋରାମ: ପୁଣି ଆସିଲା ଆଉ ଏକ ଦୁଃଖଦ ଖବର । ମିଜୋରାମରେ ଭୁଶୁଡ଼ିଲା ନିର୍ମାଧିନ ପୋଲ । ମିଜୋରାମର ରାଜଧାନୀ ଆଇଜ୍ବାଲ ନିକଟରେ ନିର୍ମାଣ ହେଉଥିବା ରେଳ ଧାରଣା ପାଇଁ ଯାଉଥିବା ଏହି ବ୍ରିଜ୍ ନିର୍ମାଣରେ ୪୦ରୁ ଉର୍ଦ୍ଧ ଶ୍ରମିକ କାମ କରୁଥିଲେ । ତେବେ ୧୭ ଜଣଙ୍କ ମୃତ୍ୟୁ ହୋଇଥିବାବେଳେ ଅନେକ ଶ୍ରମିକ ପୋତି ହୋଇ ରହିଥିବା ସୂଚନା ମିଳିଛି । ଜିଲ୍ଲା ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ଏହି ଘଟଣାରେ ମିଜୋରାମ ମୁଖ୍ୟମନ୍ତ୍ରୀଙ୍କ ସହ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ପ୍ରଧାନମନ୍ତ୍ରୀ ଦୁଃଖ ପ୍ରକାଶ କରିଛନ୍ତି । ପ୍ରାଣ ହରାଇଥିବା ବ୍ୟକ୍ତିଙ୍କ ପରିବାରବର୍ଗଙ୍କ ପାଇଁ ୨ ଲକ୍ଷ ଟଙ୍କା ଲେଖାଏଁ ଅନୁକମ୍ପାମୂଳକ ଓ ଆହତ ବ୍ୟକ୍ତିଙ୍କ ଚିକିତ୍ସା ପାଇଁ ୫୦ ହଜାର ଲେଖାଏଁ ଟଙ୍କା ସହାୟତା ଘୋ‌ଷଣା କରିଛନ୍ତି।

ଟୁଇଟ୍‌ କରି ପ୍ରଧାନମନ୍ତ୍ରୀ ଲେଖିଛନ୍ତି: ମିଜୋରାମ ଅଘଟଣ ପାଇଁ ବ୍ୟଥିତ। ପ୍ରିୟଜନଙ୍କୁ ହରାଇଥିବା ‌ଲୋକାମନଙ୍କ ପ୍ରତି ସମବେଦନା ଜଣାଉଛି। ଆହତମାନଙ୍କର ଆଶୁ ଆରୋଗ୍ୟ କାମନା କରୁଛି। ଉଦ୍ଧାର କାର୍ଯ୍ୟ ଚାଲିଛି। ପ୍ରଭାବିତ ଲୋକମାନଙ୍କୁ ସମ୍ଭାବ୍ୟ ସମସ୍ତ ସାହାଯ୍ୟ ଯୋଗାଇ ଦିଆଯାଉଛି। ଦେଶର ବାକି ଅଞ୍ଚଳ ସହିତ ଉତ୍ତରପୂର୍ବ ପ୍ରାନ୍ତକୁ ସଂଯୋଗ କରିବା ପାଇଁ ଏହି ପୋଲ ତିଆରି ଚାଲିଥିଲା।