ଭୁବନେଶ୍ୱର: ମହିଳାଙ୍କ ବିକାଶ ହିଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲକ୍ଷ୍ୟ । ମିଶନ ଶକ୍ତି ମହିଳାଙ୍କ ପରିଚୟ ପାଲଟିଥିବା ଓଡ଼ିଶା ସ୍କିଲ କନକ୍ଲେଭରେ ଯୋଗ ଦେଇ କହିଛନ୍ତି ମିଶନ ଶକ୍ତି ସଚିବ ସୁଜାତା କାର୍ତ୍ତିକେୟନ। ପରିବାର,ସମାଜକୁ ଗଢିବାର ଗୁରୁଦାୟିତ୍ୱ ନିଷ୍ଠାର ସହ ତୁଲାଉଛନ୍ତି ମହିଳା। ମହିଳାଙ୍କୁ ଆହୁରି ଆଗକୁ ନେବାକୁ ମିଶନଶକ୍ତି ବିଭାଗ ସଂକଳ୍ପବଦ୍ଧ। ଓଡ଼ିଶା ମହିଳାଙ୍କ ବିକାଶର ଧାରା ସମଗ୍ର ଦେଶକୁ ରାସ୍ତା ଦେଖାଇବ ବୋଲି ସୁଜାତା କାର୍ତ୍ତିକେୟନ କହିଛନ୍ତି।
ମହିଳା ସଶକ୍ତିକରଣ କେବଳ ଏକ ସ୍ଲୋଗାନ ନୁହେଁ ଏକ ଆନ୍ଦୋଳନ । ସାରା ଦେଶରେ ଏକମାତ୍ର ରାଜ୍ୟ ଭାବେ ଓଡ଼ିଶାରେ ମିଶନ ଶକ୍ତି ଏକ ସ୍ୱତନ୍ତ୍ର ବିଭାଗ ରହିଛି। ଏହା କେବଳ ରୋଜଗାର ଦେଉନି ମହିଳାଙ୍କୁ ରାଜ୍ୟ ସରକାରଙ୍କ ପ୍ରଶାସନରେ ଭାଗିଦାର କରୁଛି। କୋଭିଡ୍ ହେଉ କି ପ୍ରାକୃତିକ ବିପର୍ଯ୍ୟୟ ସମାଜ ଓ ସରକାରଙ୍କ ମଧ୍ୟରେ ସେତୁ ପାଲଟିଛନ୍ତି ମିଶନ ଶକ୍ତି ମହିଳା। କେବଳ ରୋଜଗାର ନୁହେଁ ମିଶନ ଶକ୍ତି ମହିଳାଙ୍କ ପରିଚୟ ଓ ସ୍ୱର ପାଲଟିଥିବା ସୁଜାତା କାର୍ତ୍ତିକେୟନ କହିଛନ୍ତି।
