ଉଦ୍ଧାର ହେଲା ନିଖୋଜ ନାବାଳିକା, ପାଠପଢ଼ା ଡରରେ ଘରୁ ଲୁଚି ପଳାଇଥିଲା
ପାଟକୁରା: ଉଦ୍ଧାର ହେଲା ନିଖୋଜ ନାବାଳିକା । ପାଟକୁରା ଗୋପେଇ ଅଞ୍ଚଳର ଚଉଦ ବର୍ଷୀୟା ନାବାଳିକା ଗତ ୨୮ ତାରିଖରୁ ନିଖୋଜ ଥିଲେ ।
ସୂଚନା ଅନୁଯାୟୀ, ସମ୍ପୃକ୍ତ ନାବାଳିକା କୗେଣସି କାରଣବଶତଃ ଘରୁ ରାଗିକି କୁଆଡେ ଚାଲିଯାଇଥିଲା । ପରିବାର ଲୋକଙ୍କ ଅଭିଯୋଗ ପରେ ଖୋଜାଖୋଜି ଆରମ୍ଭ କରିଥିଲା ପୋଲିସ। ଶେଷରେ ମହାକାଳପଡା ଅଞ୍ଚଳର ଜଣେ ସମ୍ପର୍କୀୟ ମାମୁଁ ଘରେ ନାବାଳିକା ଜଣକ ଥିବା ଖବର ପାଇ ପୋଲିସ ନାବାଳିକାକୁ ଉଦ୍ଧାର କରିଛି । ପାଠପଢା ଚାପରେ ନାବାଳିକା ଘର ଛାଡି ମାମୁଁ ଘରକୁ ଲୁଚି ଚାଲି ଯାଇଥିଲା ବୋଲି ସେ କହିଛି।
ତେବେ ମାମୁଁ ଘର ଲୋକଙ୍କ ସହ ପରିବାରର ଭଲ ସମ୍ପର୍କ ନଥିବାରୁ ସେମାନେ ଝିଅ ବାପା ମାଙ୍କୁ କିଛି ଜଣାଇ ନଥିଲେ। ଏବେ ପୋଲିସ ଝିଅକୁ ନେଇ ଘରେ ଛାଡିଛି।
