ମିସ ୟୁନିଭର୍ସ ପ୍ରତିଯୋଗିତାରେ ଭାରତର ଶ୍ବେତା, ଆସନ୍ତାକାଲି ହେବ ଫାଇନାଲ

ନନ୍ଦିଘୋଷ ବ୍ୟୁରୋ: ମିସ ୟୁନିଭର୍ସ ପ୍ରତିଯୋଗିତାରେ ଭାରତରୁ ପ୍ରତିନିଧିତ୍ବ କରୁଛନ୍ତି ଶ୍ବେତା ଶାରଦା। ଏଲ ସାଲଭଡରରେ ଅନୁଷ୍ଠିତ ହେଉଛି ୭୨ତମ ମିସ୍ ୟୁନିଭର୍ସ ପ୍ରତିଯୋଗିତା । ଆସନ୍ତାକାଲି ମିସ ୟୁନିଭର୍ସ ଇଭେଣ୍ଟର ଫାଇନାଲ ଅନୁଷ୍ଠିତ ହେବ । ଚଣ୍ଡୀଗଡ଼ର ୨୨ ବର୍ଷୀୟା ମଡେଲ ଶ୍ବେତା ଶାରଦା ମିସ୍ ୟୁନିଭର୍ସ ପ୍ରତିଯୋଗିତାରେ ସାମିଲ ହୋଇଛନ୍ତି । ଏହି ଅବସରରେ ଏଲ ସାଲଭଡରରେ ଆୟୋଜିତ ହୋଇଥିଲା ନ୍ୟାସନେଲ କଷ୍ଟ୍ୟୁମ କମ୍ପିଟିସନ ।

ଏଥିରେ ଏକ ସୁନ୍ଦର ପାରମ୍ପରିକ ପୋଷାକ ପିନ୍ଧି ଆସିଥିଲେ ଶ୍ବେତା । ଗର୍ଜିଅସ୍ ଲୁକରେ ନଜର ଆସିଥିଲେ ଶ୍ବେତା । ଷ୍ଟେଜକୁ ଶ୍ବେତା ଆସିବା ପରେ ଦର୍ଶକ ତାଳିରେ ଫାଟି ପଡିଥିଲା ପୁରା ପରିବେଶ ।ଶ୍ବେଚା ପିନ୍ଧିଥିବା ବସ୍ତ୍ରକୁ ବେଶ ପ୍ରଶଂସା କରିଥିଲେ ଦର୍ଶକ । ଆସନ୍ତାକାଲି ହେବ ଫାଇନାଲ । ୨ ହଜାର ମସିହାରେ ଶ୍ବେତା ଜନ୍ମଗ୍ରହଣ କରିଥଲେ । ମାଆ ପାଖରେ ବଢ଼ି ଆସିଥିବା ଶ୍ବେତା ୧୬ ବର୍ଷରେ ମୁମ୍ବାଇକୁ ଚାଲିଆସିଥିଲେ । ଏହାପରେ ଆରମ୍ଭ ହୋଇଥିଲା ତାଙ୍କର ମଡେଲିଂ କ୍ୟାରିଅର । ଟିଭିର ଅନେକ କାର୍ଯ୍ୟକ୍ରମରେ ପୂର୍ବରୁ ନଜର ଆସିଛନ୍ତି ଶ୍ବେଚା ।

ଏକାଧିକ ଡାନ୍ସ କମ୍ପିଟିସନରେ ନଜର ଜଲୱା ଦେଖାଇଛନ୍ତି ଶ୍ବେତା ଶାରଦା । ଏକ ଡାନ୍ସ, ରିଅଲିଟି ସୋରେ ସେ ଜଣେ କୋରିଓଗ୍ରାଫର ଭାବେ ମଧ୍ୟ ନିଜର ଦାୟିତ୍ବ ତୁଲାଇଛନ୍ତି  । ମୋଟ ୮୫ ଦେଶର ସୁନ୍ଦରୀ ଏହି ପ୍ରତିଯୋଗିତାରେ ଭାଗ ନେଉଛନ୍ତି ।