ଶ୍ରୀମନ୍ଦିର ରୋଷ ଘରେ ଚୁଲି ଭାଙ୍ଗିଲେ ଦୁର୍ବୃତ୍ତ, ପ୍ରଶାସନ ପକ୍ଷରୁ ତଦନ୍ତ ଆରମ୍ଭ

ପୁରୀ: ଶ୍ରୀମନ୍ଦିରରେ ଦେଖିବାକୁ ମିଳିଛି ଅଭାବନୀୟ ଘଟଣା । ଶ୍ରୀମନ୍ଦିର ରୋଷ ଘରେ ଭାଙ୍ଗିଲା ଚୁଲି । ରୋଷ ଘରେ ଚୁଲି ଭାଙ୍ଗିଲେ ଦୁର୍ବୃତ୍ତ । ୨ କୋଠଭୋଗ ପ୍ରସ୍ତୁତ କରାଯାଉଥିବା ଚୁଲି ଭାଙ୍ଗିବା ସହ ଅନ୍ୟ ଚୁଲି ମଧ୍ୟ ଭାଙ୍ଗିଥିବା ସୂଚନା ମିଳିଛି । ଥାଳି ସୁଆର ଓ ତୁଣୁ ସୁଆରଙ୍କର ୨ଟି ଚୁଲି ମଧ୍ୟ ଭାଙ୍ଗିଛନ୍ତି ଦୁର୍ବୃତ୍ତ । ଏହି ଚୁଲିରେ ମହାପ୍ରଭୁଙ୍କ ଉଦ୍ଦେଶ୍ୟରେ ଖେଚୁଡ଼ି ଓ କାନିକା ପ୍ରସ୍ତୁତ ହୁଏ । ଚୁଲି ଭାଙ୍ଗିଥିବାରୁ ଭୋଗ ପ୍ରସ୍ତୁତି ନୀତିରେ ସାମାନ୍ୟ ବିଳମ୍ୱ ଘଟିପାରେ । କିଏ ଓ କାହିଁକି ମହାପ୍ରଭୁଙ୍କ ରୋଷ ଘର ଚୁଲି ଭାଙ୍ଗିଛି ସେନେଇ କୌଣସି ମିଳିପାରି ନାହିଁ । ତେବେ ଏହି ମାମଲାରେ ପ୍ରଶାସନ ପକ୍ଷରୁ ତଦନ୍ତ ଆରମ୍ଭ ହୋଇଛି । ଘଟଣାର ତଦନ୍ତ ପରେ ଦୋଷୀଙ୍କ ଉପରେ କି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମନ୍ଦିର ପ୍ରଶାସନଙ୍କ ପକ୍ଷରୁ କୁହାଯାଇଛି ।

ଅନ୍ୟପଟେ ଘଟଣାସ୍ଥଳରେ ପୁରୀ ଏସପି କନଓ୍ୱର ବିଶାଲ ସିଂହ ପହଞ୍ଚି ଯାଞ୍ଚ କରିଛନ୍ତି । ତେବେ ଚୁଲି ଭଙ୍ଗା ଘଟଣାରେ ଖୁବଶୀଘ୍ର ହେବ କାର୍ଯ୍ୟାନୁଷ୍ଠାନ । ଦୁଇ ଦିନ ମଧ୍ୟରେ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସୂଚନା ଦେଇଛନ୍ତି ଶ୍ରୀମନ୍ଦିର ଉନ୍ନୟନ ପ୍ରଶାସକ ।