୩ ଭରି ସୁନା ଲୁଟ୍ ପାଇଁ ବୃଦ୍ଧାଙ୍କ ତଣ୍ଟିଚିପି ହତ୍ୟା

ଦିଗପହଣ୍ଡି: ଗଞ୍ଜାମ ଜିଲ୍ଲା ପାତ୍ରପୁର-ଜରଡ଼ା ଥାନା ଆମ୍ବପୁର ପଞ୍ଚାୟତ ମହାଦେଇପୁରରେ ହତ୍ୟାକାଣ୍ଡ । ଦିନ ଦ୍ୱିପ୍ରହରରେ ବିଧବା ବୃଦ୍ଧାଙ୍କୁ ହତ୍ୟା କରି ସୁନାଗହଣା ଲୁଟ୍ କରାଯାଇଛି । ମୃତକ ୬୫ ବର୍ଷୀୟ ମୁକ୍ତା ପ୍ରଧାନ ବୋଲି ଜଣାପଡ଼ିଛି । ହତ୍ୟାକାଣ୍ଡର କାରଣ ଜଣାପଡ଼ିନଥିଲେ ମଧ୍ୟ ଲୁଟ୍ ଉଦ୍ଦେଶ୍ୟରେ ନିର୍ମମ ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ଜଣା ପଡ଼ିଛି ।

ମୃତ ମୁକ୍ତାଙ୍କ ସ୍ୱାମୀ ଦୀର୍ଘ ବର୍ଷ ହେଲା ମୃତ୍ୟୁବରଣ କରିଥିବା ବେଳେ ବଡ଼ପୁଅ ଗାଁର ଅନ୍ୟ ଘରେ ରହୁଛନ୍ତି । ସାନ ପୁଅ ସମ୍ବଲପୁରରେ ରୁହନ୍ତି । ବୋହୂ ଚାରିଦିନ ହେବ ନିଜ ବାପଘର ଯାଇଥିବା ବେଳେ କେହି ନଥିବାର ସୁଯୋଗ ନେଇ ଦୁର୍ବୃତ୍ତ ବୃଦ୍ଧାଙ୍କୁ ହତ୍ୟା କରି ଲୁଟ୍ କରିଛନ୍ତି । ଗ୍ରାମବାସୀଙ୍କ ଠାରୁ ସୂଚନା ପାଇବା ପରେ ତଦନ୍ତ ଚଳାଇଛି ଜରଡ଼ା ପୋଲିସ ।