ମାରଣାସ୍ତ୍ର ଦେଖାଇ SBIରୁ ୫ ଲକ୍ଷ ଟଙ୍କା ଲୁଟ୍, ମ୍ୟାନେଜର ଆହତ

ରାଉରକେଲା: ସୁନ୍ଦରଗଡ଼ ଜିଲ୍ଲା କୁଆଁରମୁଣ୍ଡା ଫାଣ୍ଡି ଡୁମେରଜୋର ଏସବିଆଇରୁ ସଶସ୍ତ୍ର ଡକାୟତି । ୫ ଜଣ ମୁଖାପିନ୍ଧା ଦୁର୍ବୃତ୍ତ ବ୍ୟାଙ୍କରୁ ୫ ଲକ୍ଷରୁ ଅଧିକ ଟଙ୍କା ନେଇ ଚମ୍ପଟ ମାରିଥିବା ଅଭିଯୋଗ ହୋଇଛି । ଡକାୟତମାନେ ବ୍ୟାଙ୍କରେ ବନ୍ଧୁକ ଓ ଖଣ୍ଡା ଦେଖାଇ ଗ୍ରାହକ ଓ କର୍ମଚାରୀଙ୍କୁ ପ୍ରଥମେ ଭୟଭୀତ କରାଇଥିଲେ । ପରେ ମାଡ଼ ମାରି ୫ ଲକ୍ଷରୁ ଅଧିକ ଟଙ୍କା ନେଇ ଯାଇଛନ୍ତି ।

ଡୁମେରଜୋର ଷ୍ଟେଟ ବ୍ୟାଙ୍କର ବ୍ରାଞ୍ଚ ମ୍ୟାନେଜର ଲୁଟେରାଙ୍କ ଆକ୍ରମଣରେ ଆହତ ହୋଇଥିବା ଜଣାପଡ଼ିଛି । ୨ଟି ବାଇକରେ ୫ ଜଣ ମୁଖାପିନ୍ଧା ଦୁର୍ବୃତ୍ତ ବ୍ୟାଙ୍କକୁ ଆସି ଲୁଟ୍ କରିଛନ୍ତି । ସ୍ଥାନୀୟ ପୋଲିସ ଲୁଟର ତଦନ୍ତ କରୁଛି ।