ରାଜଧାନୀ ଉପକଣ୍ଠରେ ଲୁଟେରାରାଜ୍, ମାରଣାସ୍ତ୍ର ଦେଖାଇ ଲକ୍ଷେ ୪୧ ହଜାର ଲୁଟ୍

ବାଲିପାଟଣା: କେବଳ ରାଜଧାନୀ ନୁହେଁ ରାଜଧାନୀ ଉପକଣ୍ଠରେ ବି ମାତିଲେଣି ଲୁଟେରା । ଦିନ ଦ୍ୱିପ୍ରହରରେ ନିଛାଟିଆ ରାସ୍ତା ଦେଖି କରୁଛନ୍ତି ଟାର୍ଗେଟ୍ । ମାରଣାସ୍ତ୍ର ଦେଖାଇ ଲୁଟି ନେଉଛନ୍ତି ଟଙ୍କା । ବାଲିପାଟଣା ଥାନା ସରାଟ ଗାଁ ରାସ୍ତାରୁ ଆଜି ଦିନବେଳା ଏମିତି ଏକ ଲୁଟ୍ ହୋଇଛି । ଦୁର୍ବୃତ୍ତ ଜଣେ ସିମେଣ୍ଟ ଡିଷ୍ଟ୍ରିବ୍ୟୁଟର କର୍ମଚାରୀଙ୍କ ଠାରୁ ୧ଲକ୍ଷ ୪୧ ହଜାର ଟଙ୍କା ଲୁଟି ନେଇଛନ୍ତି ।

ଭୁବନେଶ୍ଵର ଝାରପଡ଼ା ଅଞ୍ଚଳର ସାଇ ଟ୍ରେଡିଂ ଲିମିଟେଡର କର୍ମଚାରୀ ରାଜେସ ରାଉଳ ବକେୟା ସଂଗ୍ରହ କରି ଭୁବନେଶ୍ଵର ଫେରୁଥିଲେ । ବାଲିପାଟଣା ସରାଟ ଗାଁ ପୋଖରୀ ନିକଟରେ ୨ ଜଣ ଲୁଟେରା ଏକ ବାଇକରେ ଆସି ରାଜେଶଙ୍କୁ ଅଟକାଇଥିଲେ । ରାଜେଶଙ୍କ ମୁଣ୍ଡରେ ଏକ କଟୁରି ଲଗାଇ ଟଙ୍କା ବ୍ୟାଗ ନେଇ ଫେରାର୍ ହୋଇ ଯାଇଥିଲେ ଦୁର୍ବୃତ୍ତ । ବାଲିପାଟଣା ପୋଲିସ ଲୁଟ୍ ଅଭିଯୋଗର ତଦନ୍ତ କରୁଛି । ବିଭିନ୍ନ ସ୍ଥାନରେ ଲଗାଯାଇଥିବା  ସିସିଟିଭି ଫୁଟେଜରୁ ଲୁଟେରାଙ୍କୁ ଚିହ୍ନଟ କରାଯିବ ବୋଲି ପୋଲିସ କହିଛି ।