କଟକ: ବନ୍ଧୁକ ମୁନରେ ଦେଢ ଲକ୍ଷ ଟଙ୍କା ଲୁଟି ନେଲେ ଦୁବୃର୍ତ୍ତ। କଟକ ଜିଲ୍ଲା କାନପୁର ଥାନା ଗୋଡିବନ୍ଧ ଗ୍ରାମରେ ଥିବା କାନାଡ଼ା ବ୍ୟାଙ୍କରୁ ଏହି ଲୁଟ କରାଯାଇଛି। ଏଭଳି କାଣ୍ଡ ଭିଆଇଛନ୍ତି ତିନି ଜଣ ଦୁର୍ବୁତ୍ତ ।
ସୂଚନା ଅନୁସାରେ ବ୍ୟାଙ୍କକୁ ପ୍ରାୟ ତିନି ଜଣ ଦୁର୍ବୁତ୍ତ ଗ୍ରାହକ ଭାବେ ଆସିଥିଲେ । ବ୍ୟାଙ୍କ ଭିତରେ ପଶିବା ପରେ ଅଚାନକ ବନ୍ଧୁକ ବାହାର କରି ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । କାନପୁର ଥାନାର ଗୃହ ରକ୍ଷୀ ନିର୍ମଳ ସାହୁ ବ୍ୟାଙ୍କକୁ ନିଜ କାମରେ ଆସିଥିବା ବେଳେ ଏହି ଘଟଣା ଘଟିଥିଲା। ଦୁର୍ବୁତ୍ତ ମାନେ ଟଙ୍କା ନେଇ ପଳାଇ ଯାଉଥିବା ବେଳେ ଗୃହ ରକ୍ଷୀ ଜଣକର ସେମାନଙ୍କ ସହ ଧସ୍ତାଧସ୍ତି ହୋଇଥିଲେ।
ଏହି ଧସ୍ତାଧସ୍ତି ବେଳେ ଦୁର୍ବୁତ୍ତ ମାନେ ମଧ୍ୟ ଗୃହ ରକ୍ଷୀଙ୍କ ହାତକୁ ଏକ ଭୁଜାଲିରେ ଆକ୍ରମଣ କରି କ୍ଷତାକ୍ତ କରି ଦେଇଥିଲେ। ଯାହା ପରେ ସେମାନେ ଚମ୍ପଟ ମାରିଥିଲେ । ତେବେ କାନପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
