ଘରେ ପଶି ମାଡ ମାରିବା ସହ ସୁନା ଗହଣା ଲୁଟ ନେଲେ ଦୁର୍ବୃତ୍ତ

ଭଦ୍ରକ: ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ଅଧୀନ ନପଙ୍ଗରେ ଲୁଟ୍। ଘରେ ପଶି ମାଡ ମାରିବା ସହ ସୁନା ଗହଣା ଲୁଟ ନେଲେ ଦୁର୍ବୃତ୍ତ। ସୂଚନା ଅନୁଯାୟୀ ୬ ଜଣ ଦୁର୍ବୃତ୍ତ ପ୍ରଥମେ ଘର ସାମ୍ନାରେ ଥିବା କୁକୁଡା ଭାଡି ଖୋଲି ଦେଇଥିଲେ । କୁକୁଡାଙ୍କ ଶବ୍ଦ ଶୁଣି ଘର ଲୋକ ବାହାରକୁ ଆସିବା ପରେ ଦୁର୍ବୃତ୍ତମାନେ ଘର ଭିତରକୁ ପଶିଯାଇଥିଲେ । ମହିଳାଙ୍କ ବେକରେ ମାରଣାସ୍ତ୍ର ଲଗାଇ ସୁନା ଗହଣା ମାଗିଥିଲେ ଲୁଟେରା । ନଦେବାରୁ ଛୋଟ ପିଲାଙ୍କୁ ଜୀବନରୁ ମାରିଦେବାକୁ ଧମକ ଦେଇଥିଲେ । ପରେ ଘରର ପୁରୁଷ ଲୋକ ବିରୋଧ କରିବାରୁ ସେମାନଙ୍କୁ ଆକ୍ରମଣ କରିଥିଲେ । ଏଥିରେ ୪ ଜଣ ଆହତ ହୋଇଥିବା ବେଳେ ଦୃର୍ବୁତ୍ତମାନେ ଲୁଟ ପରେ ଫେରାର ହୋଇଯାଇଛନ୍ତି ।