ହାଟରେ ବୋମାମାଡ଼; ଗୋରୁ ବ୍ଯବସାୟୀଙ୍କଠୁ ୧୪ ଲକ୍ଷ ଟଙ୍କା ଲୁଟ୍

କାମାକ୍ଷାନଗର: ହାଟରେ ବୋମାମାଡ଼ କରି ୧୪ ଲକ୍ଷ ଟଙ୍କା ଲୁଟ୍। ଗୋରୁ ବ୍ଯବସାୟୀଙ୍କ ଉପରେ ଗୁଳି ଚଳାଇବା ସହ ବୋମାମାଡ଼ କରି ଟଙ୍କା ଲୁଟ୍ ହୋଇଥିବା ଅଭିଯୋଗ ହୋଇଛି। ମୟୂରଭଞ୍ଜ ଜିଲ୍ଲା ବଡ଼ସାହି ଥାନା ଅଞ୍ଚଳରୁ କିଛି ବ୍ଯବସାୟୀ ଢେଙ୍କାନାଳ ଜିଲ୍ଲା କାମାକ୍ଷାନଗର ଜିରାଳ ସାପ୍ତାହିକ ହାଟକୁ ଆସିଥିଲେ।

ହାଟ ନିକଟରେ ବୋଲେରୋ ଗାଡ଼ିରେ ବସିଥିବାବେଳେ ୫ଜଣ ଦୁର୍ବୃତ୍ତ ପ୍ରଥମେ ଡ୍ରାଇଭର ଉପରକୁ ଦୁଇ ରାଉଣ୍ଡ ଫାଙ୍କା ଗୁଳି ଚଳାଇ ଭୟଭୀତ କରିଥିଲେ। ପରେ ବୋମାମାଡ଼ କରି ଟଙ୍କା ବ୍ଯାଗ ସହ ବୋଲେରୋ ଧରି ଫେରାର ହୋଇଯାଇଛନ୍ତି ଅଭିଯୁକ୍ତ। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।