ନବରଙ୍ଗପୁର: ନବରଙ୍ଗପୁର ଗାନ୍ଧିମୂର୍ତ୍ତି ଭାଙ୍ଗିଦେଲେ ଦୁର୍ବୃତ୍ତ। ଗାନ୍ଧୀ ନଗର ଠାରେ ଥିବା ଗାନ୍ଧୀ ମୂର୍ତ୍ତିକୁ ଭାଙ୍ଗି ଦେଇଛନ୍ତି। ପ୍ରତିମୂର୍ତ୍ତିକୁ ପଥର ଛେଚି ଭାଙ୍ଗି ଦେଇଛନ୍ତି। ୧୭ ନମ୍ବର ୱାର୍ଡ ଗାନ୍ଧୀ ନଗର ଅଞ୍ଚଳର ଏ ଘଟଣା। ଜଣେ ଯୁବକ ନିଶାଶକ୍ତ ଅବସ୍ଥାରେ ଗୋଟିଏ ପରେ ଗୋଟିଏ ପଥର ମାରି ଗାନ୍ଧୀଙ୍କ ପ୍ରତିମୂର୍ତ୍ତି ଭାଙ୍ଗି ଦେଇଥିଲା। ପାଖରେ ଥିବା ଅନ୍ୟ ଲୋକ ବାରଣ କରିବାକୁ ତାଙ୍କୁ ପଥର ଧରି ଗୋଡ଼ାଇଥିଲା। ପୋଲିସ ପହଂଚି ଯୁବକଙ୍କୁ କାବୁ କରି ଥାନାରେ ଅଟକ ରଖିଥିବା ଜଣାପଡିଛି। ଗାନ୍ଧିନଗର ଅଞ୍ଚଳରେ ନିୟମିତ ପୋଲିସ ପାଟ୍ରୋଲିଂ କରାଯିବା ସହ ଦୁର୍ବୃତ୍ତକୁ କଠୋର ଦଣ୍ଡ ଦେବାକୁ ସାଧାରଣରେ ଦାବି ହୋଇଛି। ତୁରନ୍ତ ନୂତନ ପ୍ରତିମୂର୍ତ୍ତି ସ୍ଥାପନ ନ କରାଯିବା ପର୍ଯ୍ୟନ୍ତ ଅନ୍ନ ଜଳ ସ୍ପର୍ଶ କରିବି ନାହିଁ ବୋଲି କହି ପ୍ରତିମୂର୍ତ୍ତି ତଳେ ଅନଶନରେ ବସିଥିଲେ ଶହୀଦ ସ୍ମୃତି ସସଂଦ ସଭାପତି ମନୋରଞ୍ଜନ ତ୍ରିପାଠୀ। ଘଟଣାକୁ ବିଭିନ୍ନ ମହଲରେ ତୀବ୍ର ନିନ୍ଦା କରାଯାଇଛି।…
