ଜଳେଶ୍ୱରରେ ଏଟିଏମ୍ ଲୁଟିଲେ ଦୁବୃର୍ତ୍ତ

ଜଳେଶ୍ୱର: ବାଲେଶ୍ୱର ଜିଲ୍ଲା ସିଂଲା ଥାନା ଜାମୁଶୁଳୀ ଛକ ନିକଟରେ ଥିବା ଇଣ୍ଡିକ୍ୟାସ ବ୍ୟାଙ୍କ ଏଟିଏମରୁ ଗତକାଲି ରାତିରେ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ ।

ସୂଚନା ମୂତାବକ କେହି ଦୁବୃର୍ତ୍ତ ଗତକାଲି ରାତିରେ ଗ୍ୟାସ କଟର ସହାୟତାରେ ଏଟିଏମ କାଟି ଟଙ୍କା ଲୁଟି ନେଇଛନ୍ତି । ସକାଳୁ ସ୍ଥାନୀୟ ଲୋକେ ଏନେଇ ଜାଣିବା ପରେ ପୋଲିସକୁ ଖବର ଦେଇଥିଲେ ।

ତେବେ ଏଟିଏମରୁ କେତେ ଟଙ୍କା ଲୁଟ ହୋଇଛି ତାହା ଜଣାପଡ଼ିନଥିବା ବେଳେ ସିଂଲା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।