ବାଂଲାଦେଶରେ ପୁଣି ହିନ୍ଦୁଙ୍କ ବିରୋଧରେ ହଲ୍ଲାବୋଲ, ୩ ମନ୍ଦିରରେ ଭଙ୍ଗାରୁଜା

ଢାକା: ବାଂଲାଦେଶର ଚଟୋଗ୍ରାମରେ ତିନୋଟି ହିନ୍ଦୁ ମନ୍ଦିରକୁ ଭଙ୍ଗାରୁଜା କରିଛନ୍ତି ଦୁର୍ବୃତ୍ତ । ପୂର୍ବତନ ISKCON ସଦସ୍ୟଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ ହେବା ପରେ ଚାଟୋଗ୍ରାମରେ ବିରୋଧ ଜାରି ରହିଛି। ବନ୍ଦର ସହରର ହରିଶ ଚନ୍ଦ୍ର ମୁନ୍ସେଫ୍ ଲେନରେ ଦିନ ଦ୍ବିପ୍ରହରରେ ଶାନ୍ତାନେଶ୍ବରୀ ମାତୃ ମନ୍ଦିର, ଶନି ମନ୍ଦିର ଓ ଶାନ୍ତନେଶ୍ବରୀ କାଲିବାଡି ମନ୍ଦିରରେ ଏହି ଆକ୍ରମଣ କରାଯାଇଛି  ।

ସ୍ଲୋଗାନ ଦେଉଥିବା ଶହ ଶହ ଲୋକ ଏହି ମନ୍ଦିରରେ ଇଟା ଓ ପଥର ଫିଙ୍ଗିଥିଲେ । ଯେଉଁଥିପାଇଁ ଶନି ମନ୍ଦିରର କବାଟ ଏବଂ ଅନ୍ୟ ଦୁଇଟି ମନ୍ଦିରର କବାଟ ନଷ୍ଟ ହୋଇଯାଇଥିଲା। ପୋଲିସ କହିଛି  ଯେ ଆକ୍ରମଣକାରୀମାନେ ମନ୍ଦିରକୁ ନଷ୍ଟ କରିବାକୁ ଚେଷ୍ଟା କରିଥିଲେ। କିନ୍ତୁ ମନ୍ଦିର ଗୁଡ଼ିକରେ ବହୁତ କମ୍ କ୍ଷତି ହୋଇଛି।

ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ସଂସଦକୁ କହିଛନ୍ତି ଯେ ବାଂଲାଦେଶରେ ସଂଖ୍ୟାଲଘୁଙ୍କ ପ୍ରତି ହେଉଥିବା ହିଂସା ଘଟଣାରେ ଭାରତ ଗୁରୁତର ଦୃଷ୍ଟି ଦେଇଛି ଏବଂ ସଂଖ୍ୟାଲଘୁ ସମେତ ସମସ୍ତ ନାଗରିକଙ୍କ ଜୀବନ ତଥା ସ୍ୱାଧୀନତା ରକ୍ଷା କରିବା ବାଂଲାଦେଶର ମୂଳ ଦାୟିତ୍ବ ଅଟେ।

ଅଗଷ୍ଟରେ ବାଂଲାଦେଶରେ ରାଜନୈତିକ ଅସ୍ଥିରତା ମଧ୍ୟରେ ଶେଖ ହସିନା ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବା ପରେ ମହମ୍ମଦ ୟୁନୁସଙ୍କ ନେତୃତ୍ୱାଧୀନ ମଧ୍ୟବର୍ତ୍ତୀକାଳୀନ ସରକାର କ୍ଷମତାକୁ ଆସିଛି  । କିନ୍ତୁ ଏହା ପରେ ଭାରତ ଏବଂ ବାଂଲାଦେଶ ମଧ୍ୟରେ ସମ୍ପର୍କ ତିକ୍ତ ହୋଇପଡିଛି। ଭାରତ କହିଛି ଯେ ସଂଖ୍ୟାଲଘୁ ସମ୍ପ୍ରଦାୟ ସମେତ ବାଂଲାଦେଶର ସମସ୍ତ ନାଗରିକଙ୍କ ଜୀବନ ତଥା ସ୍ୱାଧୀନତା ରକ୍ଷା କରିବା ବାଂଲାଦେଶ ସରକାରଙ୍କ ପ୍ରାଥମିକ ଦାୟିତ୍ବ ଅଟେ। ସେ କହିଛନ୍ତି ଯେ ଢାକାରେ ଥିବା ଭାରତୀୟ ଉଚ୍ଚ ଆୟୋଗ ବାଂଲାଦେଶରେ ସଂଖ୍ୟାଲଘୁ ସମ୍ପ୍ରଦାୟ ସହ ଜଡିତ ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛନ୍ତି।