ଲୁଟ୍ କରି ଖସି ଯାଉଥିଲେ, ଦୁର୍ଘଟଣାର ଶିକାର ହେଲେ

ଭୁବନେଶ୍ୱର: ଲୁଟ୍ କରି ଖସି ପଳାଇବା ବେଳେ ଦୁର୍ଘଟଣା ଘଟିଛି । ଏଥିରେ ୨ ଜଣ ଗୁରୁତର ଆହତ ହୋଇଛନ୍ତି । ଲୋକଙ୍କ ଅଭିଯୋଗ ଅନୁଯାୟୀ ଦୁହେଁ ଚେନ୍ ଲୁଟ୍ କରି ଖସି ଯାଉଥିଲେ । ଦ୍ରୁତ ଗତିରେ ପଳାଇବା ବେଳେ ଧଉଳି ପାହାଡ଼ ନିକଟରେ ସେମାନଙ୍କ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି ।

ଘଟଣାସ୍ଥଳରୁ ମାରଣାସ୍ତ୍ର, ମୋବାଇଲ୍, ମନି ପର୍ସ ପୋଲିସ ଜବତ କରିଛି । ଉଭୟଙ୍କୁ ଗୁରୁତର ଅବସ୍ଥାର କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ, ଲୁଟପାଟ୍ ନେଇ ସବିଶେଷ ସୂଚନା ମିଳିପାରିନାହିଁ ।