ରାଜଧାନୀରେ କ୍ରୀଡା ସାମ୍ବାଦିକଙ୍କୁ ଆକ୍ରମଣ କରି ଲହୁଲୁହାଣ କଲେ ଦୁର୍ବୃତ୍ତ

ଭୁବନେଶ୍ବର: କ୍ରୀଡା ସାମ୍ବାଦିକ ସରୋଜ ଜେନାଙ୍କୁ ମରଣାନ୍ତକ ଆକ୍ରମଣ। ରସୁଲଗଡ଼ ଅଞ୍ଚଳରେ ଥିବା ଅଫିସରୁ କାର୍ଯ୍ୟ ସାରି ଘରକୁ ଫେରିବା ବେଳେ କିଛି ମଦ୍ୟପ ଯୁବକ କରିଛନ୍ତି ଆକ୍ରମଣ। ରାସ୍ତାରେ ଚାଲି ଚାଲି ଯାଉଥିବା ସମୟରେ ଗୋଟିଏ ସ୍କୁଟିରେ ୩ ଜଣ ଆସି ପ୍ରଥମେ ସାଇଡ଼ ମାରିଲେ ।ଏହାପରେ ସରୋଜ ପ୍ରତିବାଦ କରିବାରୁ ତାଙ୍କୁ ମାଡ ମାରିଥିଲେ ଦୁର୍ବୃତ୍ତ।

ରାସ୍ତାରେ ପଡ଼ିଥିବା ଇଟା ପଥର ଉଠାଇ ମୁଣ୍ଡକୁ ଆକ୍ରମଣ କରିଥିଲେ । ଏହା ଦ୍ବାରା ସରୋଜଙ୍କ ମୁଣ୍ଡରେ ଗଭୀର ଆଘାତ ଲାଗିଥିବା ସୂଚନା। ଗୁରୁତର ଅବସ୍ଥାରେ କ୍ୟାପିଟାଲ ହସ୍ପିଟାଲରେ ଚିକିତ୍ସିତ ହେଉଛନ୍ତି ସରୋଜ। ଏନେଇ ବଡଗଡ ଥାନାରେ ଅଭିଯୋଗ ହୋଇଛି।