ଗ୍ୟାସ ଏଜେନ୍ସି କର୍ମଚାରୀଙ୍କ ଠାରୁ ଲୁଟିନେଲେ ୧୦ ଲକ୍ଷ ୮୦ ହଜାର ଟଙ୍କା

ଭଦ୍ରକ: ଭୂତାଣୁ ଭୟରେ ଘରେ ବନ୍ଦୀ ହୋଇ ରହିଛି ମଣିଷ । ଜୀବନକୁ କରୋନା ଯୁଦ୍ଧରେ ବାଜି ଲଗାଇ କିଛି ଯୋଦ୍ଧା ଯୋଗାଉଛନ୍ତି ଅତ୍ୟାବଶ୍ୟକୀୟ ସେବା । ଏହି ଯୋଦ୍ଧାଙ୍କୁ ଟାର୍ଗେଟ୍ କରିଛନ୍ତି ଲୁଟେରା । ତିହିଡ଼ି ବ୍ଲକ ଜିଝାରପୁର ରେଳ ଲାଇନ୍ ନିକଟରେ ଆକ୍ରମଣ ହୋଇଛି ।

ପାଳିଆବିନ୍ଧା ରାଉତ ଗ୍ରାମୀଣ ଗ୍ୟାସ୍ ଏଜେନ୍ସିର କର୍ମଚାରୀ ପ୍ରମୋଦ ଭଞ୍ଜଙ୍କୁ ଦୁର୍ବୃତ୍ତ ଆକ୍ରମଣ କରିଛନ୍ତି । ଟଙ୍କା ଡିପୋଜିଟ୍ କରିବାକୁ ପ୍ରମୋଦ ୟୁକୋ ବ୍ୟାଙ୍କ ଯାଉଥିଲେ । ଜିଝାରପୁର ରେଳ ଷ୍ଟେସନ ନିକଟରେ ନମ୍ବରବିହୀନ ଆପାଚି ବାଇକରେ ଆସି ଦୁର୍ବୃତ୍ତ ମରଣାନ୍ତକ ଆକ୍ରମଣ କରିବା ସହ ୧୦ ଲକ୍ଷ ୮୦ ହଜାର ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି ।