ହୋଟେଲର ଆର୍କିଟେକ୍ଟ କାମ ପାଇଁ ଡାକି ୨ ଜଣଙ୍କୁ ଅପହରଣ

Miscreants Abducted Two Architect In Ganjam

ବ୍ରହ୍ମପୁର: କାମ ପାଇଁ ଡାକିଲେ, ୩୦ ଲକ୍ଷ ଟଙ୍କା ମାଗି ମୁଣ୍ଡ ଜାମିନ୍ ରଖିଲେ । ହୋଟେଲର ଆର୍କିଟେକ୍ଟ କାମ ଲାଗି ଭୁବନେଶ୍ୱରରୁ ଡକରା ପାଇ ଆସିଥିବା ୨ ଆର୍କିଟେକ୍ଟ ବ୍ରହ୍ମପୁର ଉପକଣ୍ଠରୁ ଅପହୃତ ହୋଇଥିଲେ । ଅପହରଣକାରୀ ଉଭୟଙ୍କୁ ଅପହରଣ ପରେ କାରରେ ଲାଉଡ଼ିଗାଁ, ବ୍ରହ୍ମପୁର, ଆସିକା, ବାଲିସିରା ସମେତ ଭଞ୍ଜନଗର ନେଇ ଆସିଥିଲେ । ପରେ ବ୍ରହ୍ମପୁର ନେବା ବାଟରେ କାରରୁ ଡେଇଁ ପଡ଼ି ୨ ଅପହୃତ ।

ଏନେଇ ୨ ଅପହୃତ ଗୋଳନ୍ଥରା ଥାନାରେ ଅଭିଯୋଗ କରିଥିବା ବେଳେ ତଦନ୍ତ କରୁଛି ପୋଲିସ । ସୂଚନା ଅନୁସାରେ, ୩ ତାରିଖ ସକାଳେ ଭୁବନେଶ୍ୱର ଅଞ୍ଚଳର ଆର୍କିଟେକ୍ଟ ଦିବ୍ୟସ୍ମୃତି ସାହୁ ଓ ସେକ୍ ସାହେନବାଜଙ୍କୁ ଫୋନ୍ ଆସିଥିଲା । ଫୋନ୍ ପାଇ ବ୍ରହ୍ମପୁର ଉପକଣ୍ଠ କନିଶିରେ ସେହିଦିନ ସନ୍ଧ୍ୟାରେ ପହଞ୍ଚିଥିଲେ ଉଭୟ । ଏହା ପରେ ଉଭୟଙ୍କୁ ଅପହରଣ କରି ନେଇଥିଲେ ଦୁର୍ବୃତ୍ତ ।

ସନ୍ଧ୍ୟାରେ ଉଭୟ କନିଶିରେ ପହଞ୍ଚି କଲ୍ କରିଥିବା ବ୍ୟକ୍ତିଙ୍କୁ ଫୋନ୍ କରିଥିଲେ । ଏହି ସମୟରେ ୪ ଜଣ ଆସି ଦୁହିଁଙ୍କ ଆଖିରେ ଲଙ୍କାଗୁଣ୍ଡ ପକାଇ କାରରେ ଅପହରଣ କରି ନେଇଥିଲେ । ଏପରିକି ଅପହରଣ ରାତିରେ ଦିବ୍ୟସ୍ମୃତିଙ୍କ ପରିବାରକୁ ଫୋନ୍ କରି ୩୦ ଲକ୍ଷ ଟଙ୍କା ଅପହରଣକାରୀ ମାଗିଥିବା ଅଭିଯୋଗ ହୋଇଛି ।

Leave a Reply