ବାହାର ପଟୁ ତାଲା ପକାଇ ଘରେ ନିଆଁ ଲଗାଇଲେ ଦୁର୍ବୃତ୍ତ: ଶିଶୁ ସମେତ ୪ ଗୁରୁତର, ଜଣେ ମୃତ

କେନ୍ଦ୍ରାପଡା: କେନ୍ଦ୍ରାପଡା ମାର୍ଶାଘାଇ ଥାନା ଗିରଙ୍ଗ ଗ୍ରାମରେ ଅଭାବନୀୟ ଘଟଣା । ବିଳମ୍ବିତ ରାତିରେ ଅଗ୍ନିକାଣ୍ଡରେ ଗୋଟିଏ ପରିବାରର ୫ ଜଣ ଗୁରୁତର ହୋଇଛନ୍ତି । ଗତକାଲି ବିଳମ୍ବିତ ରାତିରେ ଗାଁର ସୁକୁନା ବାରିକଙ୍କ ଘରେ କେହି ଦୁର୍ବୃତ୍ତ ବାହାର ପଟୁ ତାଲା ପକାଇ ନିଆଁ ଲଗାଇ ଦେଇଥିଲା ।

ଏଥିରେ ମାସକର ଶିଶୁ ସହ ପରିବାରର ୫ଜଣ ପୋଡି ହୋଇ ଗୁରୁତର ହୋଇଛନ୍ତି । ସେମାନଙ୍କୁ କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଅଗ୍ନିକାଣ୍ଟରେ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ମାର୍ଶାଘାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ଅଗ୍ନିକାଣ୍ଡରେ ଘରର ସମସ୍ଥ ଆସବାବପତ୍ର ପୋଡି ହୋଇଯାଇଛି । ଘରର ସମସ୍ତ ସଦସ୍ୟ ଶୋଇଥିବା ବଳେ ରାତି ପ୍ରାୟ ୩ ଟା ସମୟରେ ଅଗ୍ନିକାଣ୍ଡ ଘଟିଥିବା ଜଣାପଡିଛି ।

ରାତି ପ୍ରାୟ ୩ଟାରେ ଏହି ଅଗ୍ନିକାଣ୍ଡ ଘଟିଥିଲା । ପରିବାର ଲୋକ ଯେତେବେଳେ ଅଗ୍ନିକାଣ୍ଡ ବିଷୟରେ ଜାଣିବାକୁ ପାଇଲେ ସେମାନେ ଘରୁ ବାହାରକଗୁ ଆସିବାକୁ ଚେଷ୍ଟା କରିଥିଲେ କିନ୍ତୁ ବାହାରପଟୁକବାଟ ବନ୍ଦ ଥିବାରୁ ସେମାନେ ଚିକ୍ତାର କରିବାକୁ ଲାଗିଲେ । ଘର ଭିତରେ ମୋଟ ୫ ଜଣ ଶୋଇଥିବା ବେଳେ ସେମାନହ୍କ ମଧ୍ୟରୁ ଜଣେ ଏକ ମାସର ଶିଶୁ ମଧ୍ୟ ଥିଲେ । ଚିକ୍ତାରର ଶୁଣିବା ପରେ ଘର ପାଖ ପଡ଼ିଶା ଆସି ନିଆଁ ଲିଭାଇଥିଲେ ।