ଖଣ୍ଡଗିରି ଛକରେ ବରମୁଣ୍ଡା ଗାଁର ଯୁବକଙ୍କୁ ହାଣିଲେ, ଗୁରୁତର ହସ୍ପିଟାଲରେ ଭର୍ତ୍ତି

ଭୁବନେଶ୍ବର: ଭରତପୁର ପରେ ଖଣ୍ଡଗିରି ଛକରେ ଯୁବକ ଆତଙ୍କରାଜ ରଚିଛନ୍ତି । ଚା’ ପିଉଥିବା ବେଳେ ଖଣ୍ଡାରେ ହାଣିଲେ ଯୁବକ । ବରମୁଣ୍ଡା ଗାଁର ନବଘନ ପାଟ୍ଟଶାଣୀଙ୍କୁ ଆକ୍ରମଣ । ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହେଲେ ନବଘନ ଓରଫ ବାଙ୍କ ।

ନବଘନଙ୍କ ବେକ, ଛାତି, ହାତରେ ବାଜିଛି ଖଣ୍ଡା ଚୋଟ । ଆକ୍ରମଣକାରୀଙ୍କ ସମ୍ପର୍କରେ କୌଣସି ସୂଚନା ମିଳିନାହିଁ । କାହା ସହ ଶତ୍ରୁତା ନଥିବା କହିଛନ୍ତି ଆକ୍ରମଣର ଶିକାର ନବଘନ । ଆକ୍ରମଣକାରୀଙ୍କୁ ମଧ୍ୟ ସେ ଚିହ୍ନି ନଥିବା ପୋଲିସ ସମ୍ମୁଖରେ ସୂଚନା ଦେଇଛନ୍ତି । ଘଟଣାର ତଦନ୍ତ କରୁଛି ଖଣ୍ଡଗିରି ଥାନା ପୋଲିସ ।