ମିର୍ଜାପୁର ୱେବ୍ ସିରିଜକୁ ନେଇ ପ୍ରଧାନମନ୍ତ୍ରୀ ମୋଦିଙ୍କ ନିକଟରେ ଅଭିଯୋଗ, ଏହି ୱେବ୍ ସିରିଜ ଜିଲ୍ଲାକୁ ବଦନାମ କରୁଛି

ନୂଆଦିଲ୍ଲୀ: ଗତ ୨ ବର୍ଷ ଧରି ଫ୍ୟାନ ମାନଙ୍କୁ ମିର୍ଜାପୁର ୱେବ୍ ସିରିଜର ଦ୍ୱିତୀୟ ସିଜିନକୁ ଅପେକ୍ଷା ଥିଲା । ଏବେ ଫ୍ୟାନ ମାନଙ୍କର ଅପେକ୍ଷା ପୁରଣ ହୋଇଛି । ଯାହାକି ୨୨ ଅକ୍ଟୋବର ରାତିରେ ସମସ୍ତଙ୍କର ଅପେକ୍ଷା ଶେଷ ହୋଇଥିଲା । ପ୍ରାଇମ୍ ଭିଡିଓରେ ଏହି ସିରିଜ୍ ବାହାରିବା ମାତ୍ରେ ଲୋକମାନେ ଏହାକୁ ଦେଖିବା ପାଇଁ ବହୁତ ଆଗ୍ରହ ପ୍ରକାଶ କରିଥିଲେ । କିନ୍ତୁ ଏବେ ମିରଜାପୁର ଫିଲ୍ମକୁ ନେଇ ଅନେକ ଜଟିଳ ପରିସ୍ଥିତି ସୃଷ୍ଟି ହୋଇଛି । କାରଣ ମିରଜାପୁର ୨ର କାହାଣୀକୁ ନେଇ ସୋସିଲା ମିଡ଼ିଆରେ ବିରୋଧ ହୋଇଛି । ଅନେକ ପ୍ରଶଂସକ ମିରଜାପୁର୨ କୁ ନେଇ ଟୁଇଟ ମଧ୍ କରିଛନ୍ତି ।

ଉତ୍ତରପ୍ରଦେଶର ମିର୍ଜାପୁର ଜିଲ୍ଲାର ସାଂସଦ ଅନୁପ୍ରିୟା ପଟେଲ ୱେବ୍ ସିରିଜ୍ ମିର୍ଜାପୁରକୁ ହିଂସାତ୍ମକ ବୋଲି କହି ଏହାର ତଦନ୍ତ ଦାବି କରିଛନ୍ତି । ସେ ସୋସିଆଲ ମିଡିଆ ଜରିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଟ୍ୟାଗ୍ କରି ଏହି ଘଟଣାର ତଦନ୍ତ ଦାବି କରିଛନ୍ତି ।

ଅନୁପ୍ରିଆ ପଟେଲ ଟୁଇଟ୍ କରି କହିଛନ୍ତି, ପ୍ରଧାନମନ୍ତ୍ରୀ @narendramodi ji ଏବଂ ମୁଖ୍ୟମନ୍ତ୍ରୀ @myogiadityanath ji ଙ୍କ ନେତୃତ୍ୱରେ ମିର୍ଜାପୁର ବିକାଶ ଚାଲିଛି । କିନ୍ତୁ ‘ମିର୍ଜାପୁର ନାମକ ଏକ ୱେବ୍ ସିରିଜ୍ ଜରିଆରେ ମିର୍ଜାପୁରକୁ ଏକ ହିଂସାତ୍ମକ ଅଞ୍ଚଳ ଭାବେ କିହି ତାକୁ ବଦନାମ କରାଯାଉଛି ।

ଅନୁପ୍ରିଆ ତାଙ୍କ ପରବର୍ତ୍ତୀ ଟ୍ୱିଟରେ ଲେଖିଛନ୍ତି ଯେ ମିର୍ଜାପୁର ଜିଲ୍ଲାର ସାଂସଦ ଭାବରେ ମୁଁ ଏହାର ଏକ ତଦନ୍ତ ଚାହାଁ । ଏହା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ପ୍ରକାଶ ରିଛନ୍ତି ।

ଅକ୍ଟୋବର ୨୨ ରେ ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ମିର୍ଜାପୁର ୱେବ୍ ସିରିଜ୍ ମୁକ୍ତିଲାଭ କରିଥିଲା । ଅକ୍ଟୋବର ୨୩ ରେ ଏହି ସିରିଜ୍ ରିଲିଜ୍ ହେବାକୁ ଥିଲା । କିନ୍ତୁ ଏହାକୁ କିଛି ଘଣ୍ଟା ପୂର୍ବରୁ ରିଲିଜ କରାଯାଇଥିଲା । ମିର୍ଜାପୁର ୨ରେ ଦିବ୍ୟେନ୍ଦ୍ର ଶର୍ମା, ଅଲି ଫଜଲ, ଶ୍ୱେତା ତ୍ରିପାଠୀ, ରସିକା ଦୁଗଲ ଏବଂ ପଙ୍କଜ ତ୍ରିପାଠୀ ଭଳି କଳାକାର ଅଛନ୍ତି । ଆହୁରି ମଧ୍ୟ କିଛି ନୂଆ ଅଭିନେତା ମଧ୍ୟ ଏହି ସିରିଜର ଏକ ଅଂଶ ହୋଇପାରିଛନ୍ତି । ଏହାର ନିର୍ଦ୍ଦେଶନା ଦେଇଛନ୍ତି ଗୁରୁମିତ ସିଂ ଏବଂ ମିହିର ଦେଶାଇ । ଫରହାନ୍ ଅଖତର ଏବଂ ରିତେଶ ସିଦ୍ଧୱାନୀ ଏହାର ନିର୍ମାତା ରହିଛନ୍ତି ।