ଉଦ୍ଧାର ବାଂଲାଦେଶୀ ନାବାଳିକାଙ୍କ ଚାଞ୍ଚଲ୍ୟକର ବୟାନ: ଚାକିରି ଦେବାକୁ ଆଣି ଦେହ ବ୍ୟବସାୟ କରିବାକୁ କରାଯାଉଥିଲା ବାଧ୍ୟ

କଟକ: କଟକ ମଧୁପାଟଣାରୁ ଗତ ୯ ତାରିଖରେ ଉଦ୍ଧାର ବାଂଲାଦେଶୀ ନାବାଳିକାଙ୍କ ଚାଞ୍ଚଲ୍ୟକର ବୟାନ । ଚାକିରି କରାଇ ଦେବାର ମିଥ୍ୟା ପ୍ରତିଶ୍ରୁତି ଦେଇ କଟକ ଆଣି ଦେହ ବ୍ୟବସାୟ କରିବାକୁ ବାଧ୍ୟ କରାଯାଇଥିବା ବୟାନ ଦେଇଛନ୍ତି ନାବାଳିକା । ସିଡବ୍ଲୁସି ନିକଟରେ ସେ ଏହି ଚାଞ୍ଚଲ୍ୟକର ବୟାନ ଦେଇଛନ୍ତି ।

ନାବାଳିକା ଜଣଙ୍କ ଦେହ ବ୍ୟବସାୟ କରିବାକୁ ରାଜି ହୋଇ ନଥିଲେ । କୌଣସି ମତେ ସେମାନଙ୍କ କବଳରୁ ଖସି ଆସି ମଧୁପାଟଣା ଅଞ୍ଚଳରେ ଏକା ଏକା ବୁଲୁଥିବା ବେଳେ, ପୋଲିସ ଉଦ୍ଧାର କରି ଚାଇଲ୍ଡ କେୟାର ହୋମକୁ ନେଇଥିଲା । ସେଠାରୁ ପରେ ସିଡବ୍ଲୁସି ଜିମା ଦେଇଥିଲା ।

ପଚରାଉଚରା ପରେ ନାବାଳିକା ଏହି ଚାଞ୍ଚଲ୍ୟକର ତଥ୍ୟ ଦେଇଛନ୍ତି । ପୋଲିସ ଏ ନେଇ ମଧୁପାଟଣା ଥାନାରେ ପୋସ୍କୋ ଆକ୍ଟରେ ମାମଲା ରୁଜୁ କରିଛି । ଜୋନ-୬ ଏସିପିଙ୍କ ନେତୃତ୍ବ ରେ ଏକ ଟିମ ଅଭିଯୁକ୍ତଙ୍କୁ ଧରିବା ପାଇଁ ଅଭିଯାନ ଆରମ୍ଭ କରି ଦେଇଛନ୍ତି ।