ବ୍ରିଜ୍ ପିଲର ମଝିରେ ଫସିଛି ନାବାଳକ, ଉଦ୍ଧାର ପାଇଁ ଜାରି ରହିଛି ରେସ୍କ୍ୟୁ ଅପରେସନ୍

ପାଟନା: ବ୍ରିଜ୍ ପିଲର ମଝିରେ ଫସିଛି ନାବାଳକ । ବିହାର ରୋହତାସ ଜିଲ୍ଲାର ନାସିରଗଞ୍ଜ ଦାଉଦନଗରରେ ଥିବା ଏକ ପୋଲର ଦୁଇଟି ଖୁଣ୍ଟ ମଝିରେ ଫସି ରହିଥିବା ନାବାଳକକୁ ଉଦ୍ଧାର କାର୍ଯ୍ୟ ଜାରି ରହିଛି । ୧୧ ବର୍ଷୀୟ ରଞ୍ଜନ ମାନସିକ ଦୁର୍ବଳ ହୋଇଥିବା ବେଳେ ଗତକାଲିଠାରୁ ସେ ଫେରାର ଥିଲେ । ଅନେକ ସମୟ ଧରି ଖୋଜାଖୋଜି ପରେ ବି ତାଙ୍କ ପତ୍ତା ମିଳି ନଥିଲା । ପୋଲ ଖୁଣ୍ଟ ମଝିରୁ ପିଲା କାନ୍ଦୁଥିବାର ଶବ୍ଦ ଶୁଣି ରଞ୍ଜନଙ୍କ ପରିବାରକୁ ଜଣାଇଥିଲେ । ଗତକାଲି ଅପରାହ୍ଣ ୪ଟାରୁ ରେସ୍କ୍ୟୁ ଅପରେସନ ଜାରି ରହିଛି । ଏନଡିଆରଏଫ ଟିମ୍, ଜିଲ୍ଲା ପ୍ରଶାସନ ଓ ପୋଲିସ ପକ୍ଷରୁ ରେସ୍କ୍ୟୁ ଜାରି ରହିଛି । ଏବେସୁଦ୍ଧା ନାବାଳକଙ୍କୁ ଉଦ୍ଧାର କରାଯାଇପାରିନାହିଁ ।