ଢେଙ୍କାନାଳରେ ବିଭିନ୍ନ କାର୍ଯ୍ୟର ସମୀକ୍ଷା କଲେ ନଗର ଉନ୍ନୟନ ମନ୍ତ୍ରୀ

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ଢେଙ୍କାନାଳ ଜିଲ୍ଲା ଗସ୍ତରେ ଯାଇ ବିଭିନ୍ନ ସରକାରୀ କାମର ସମୀକ୍ଷା କରିଛନ୍ତି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା । ରାଜ୍ୟରେ ୫-ଟି ଲାଗୁ ହେବା ପରେ ମନ୍ତ୍ରୀଙ୍କ ମଧ୍ୟରେ ତତ୍ପରତା ଦେଖାଦେଇଛି । ମନ୍ତ୍ରୀ ପ୍ରତାପ ଜେନା ଢେଙ୍କାନାଳର ବିଭିନ୍ନ ଅଫିସକୁ ଯାଇ ଏହାର ସମୀକ୍ଷା କରିବା ସହ ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ଗୁଡିକ ସଂପର୍କରେ ପଚାରି ବୁଝିଛନ୍ତି । ପ୍ରଥମେ ଢେଙ୍କାନାଳ ମ୍ୟୁନିସିପାଲିଟିରେ ଅଚାନକ ପ୍ରବେଶ କରି ତର୍ଜମା ଓ ସମୀକ୍ଷା କରିଥିଲେ ମନ୍ତ୍ରୀ ଶ୍ରୀ ଜେନା । ଏହାପରେ ବସଷ୍ଟାଣ୍ଡ ସ୍ଥିତ ଆହାର କେନ୍ଦ୍ରକୁ ବୁଲି ଦେଖିବା ସହ ଖାଦ୍ୟର ମାନ ଯାଞ୍ଚ କରିଥିଲେ । ସେଠାରେ ମନ୍ତ୍ରୀ ନିଜେ ଆହାର କେନ୍ଦ୍ରରୁ ଆହାର ଖାଇଥିଲେ ।

ପରେ ସଦର ବ୍ଲକକୁ ଯାଇ ଅଧିକାରୀମାନଙ୍କ ସହ ସବୁ ବିଭାଗର କାର୍ଯ୍ୟ ସଂପର୍କରେ ପଚାରି ବୁଝିଥିଲେ । ଶେଷରେ ଗଜମରା ସ୍ଥିତ ଟ୍ରିଟମେଣ୍ଟ ପ୍ଲାଣ୍ଟକୁ ଯାଇ ସମୀକ୍ଷା କରିଥିଲେ ମନ୍ତ୍ରୀ । ସରକାରୀ ଯୋଜନାର କାର୍ଯ୍ୟକରୀତା ଓ ସଫଳ ରୂପାୟନ ଦିଗରେ ଯତ୍ନବାନ ହେବାକୁ ଅଧିକାରୀଙ୍କୁ କହିଛନ୍ତି ମନ୍ତ୍ରୀ । ')}