କରୋନ ମୁକାବିଲା : ପ୍ଲାଜମା ଦାନ ପାଇଁ ଜିଲ୍ଲା ଗସ୍ତ କରି ଲୋକଙ୍କୁ ଉତ୍ସାହିତ କରୁଛନ୍ତି ମନ୍ତ୍ରୀ….

ଭୁବନେଶ୍ୱର: ସାରା ଦେଶରେ ମହାମାରୀ କରୋନା ତାର ଭୟାବହତା ଦେଖାଇବାରେ ଲାଗିଛି । ତେବେ ଟିକା ନ ଆସିବା ପର୍ଯ୍ୟନ୍ତ ବର୍ତ୍ତମାନ ପ୍ଲାଜମା ଥେରାପି କରୋନା ପାଇଁ ରାମବାଣ ଭଳି କାର୍ଯ୍ୟକରୁଛି । ଫଳରେ ରାଜ୍ୟ ସରକାର ବର୍ତ୍ତମାନ ପ୍ଲାଜମା ଚିକିତ୍ସା ଉପରେ ଅଧିକ ଜୋର ଦେଉଛନ୍ତି । ଏବଂ ପ୍ଲାଜମା ଚିକିତ୍ସାକୁ ଆହୁରି ସଶକ୍ତ ସୁଦୃଢ କରିବା ପାଇଁ ଲୋକ ପ୍ରତିନିଧିଙ୍କୁ ଦାୟିତ୍ୱ ଦେଇଛନ୍ତି । ସାରା ରାଜ୍ୟ ପାଇଁ ମନ୍ତ୍ରୀମାନଙ୍କୁ ଦାୟିତ୍ୱ ଦିଆଯାଇଛି । ମନ୍ତ୍ରୀମାନେ ଜିଲ୍ଲା ଗସ୍ତରେ ପ୍ଲାଜମା ଦାତାଙ୍କୁ ଉତ୍ସାହିତ କରିବେ ।

ଏହି ପରିପ୍ରେକ୍ଷୀରେ ଆଜି ଶକ୍ତି, ଶିଳ୍ପ ଗୃହରାଷ୍ଟ୍ର ଓ ଏମଏସଏମଇ ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ରଙ୍କୁ ମିଳିଛି ଢେଙ୍କାନାଳ ଜିଲ୍ଲାର ଦାୟିତ୍ୱ । ତେଣୁ ଆଜି ମନ୍ତ୍ରୀ ଢେଙ୍କାନାଳ ଗସ୍ତରେ ଯାଇଛନ୍ତି । ମନ୍ତ୍ରୀ ଲୋକଙ୍କ ସହ ଆଲୋଚନା କରି ଜିଲ୍ଲା ପ୍ରଶାସନ ସହ ମଧ୍ୟ ଆଲୋଚନା କରିବା ନେଇ କାର୍ଯ୍ୟକ୍ରମ ରହିଛି ।

ଏନେଇ ବିଭିନ୍ନ ଲୋକ ପ୍ରତିନିଧିଙ୍କ ପରାମର୍ଶ ମାଗି ଜିଲ୍ଲାରୁ କିଭଳି ମହାମାରୀ ଲୋପ ପାଇବ ସେନେଇ ଆଲୋଚନା ହେବ । ଏବଂ ଯେଉଁ ଆକ୍ରାନ୍ତମାନେ କରୋନାକୁ ମାତ ଦେଇ ସୁସ୍ଥ ହୋଇଛନ୍ତି ସେମାନଙ୍କୁ ପ୍ଲାଜମା ଦାନ କରିବା ପାଇଁ ମନ୍ତ୍ରୀ ଉର୍ତ୍ସାହିତ କରିବେ । ଏହି ଅବସରରେ ମନ୍ତ୍ରୀ ସମସ୍ତଙ୍କୁ ପ୍ଲାଜମା ଦାନ କରିବା ସହ ସରକାରଙ୍କ ନିୟମ ମାନିବାକୁ ଆହ୍ୱାନ ଦେଇଛନ୍ତି ।

Leave a Reply