ସଲମାନଙ୍କୁ କୋଟି କୋଟି ଟଙ୍କାର ଗିଫ୍ଟ

ମୁମ୍ବାଇ: ସରିଛି ଭାଇଜାନ ସଲମାନ ଖାଁଙ୍କ ୫୬ତମ ଜନ୍ମଦିନ ସେଲିବ୍ରେସନ । ମିଳିଛି କୋଟି କୋଟି ଟଙ୍କାର ଗିଫ୍ଟ । ବନ୍ଧୁ, ପରିଜନ, ସେଲିବ୍ରିଟି ଦେଇଛନ୍ତି ଲକ୍ଷ ଲକ୍ଷ ଟଙ୍କାର ଗିଫ୍ଟ । ସୁନା ଚେନଠାରୁ ଆରମ୍ଭ କରି ଆପାର୍ଟମେଣ୍ଟ ମିଳିଛି ଗିଫ୍ଟରେ । ମୁମ୍ବାଇସ୍ଥିତ ପାନଭେଲ ଫାର୍ମ ହାଉସରେ ସଲମାନ ପାଳିଛନ୍ତି ତାଙ୍କ ଜନ୍ମଦିନ । କେକ୍ କଟିଂ ବେଳେ ସଲମାନଙ୍କ ଭଣଜା ଆୟତ ମଧ୍ୟ ଉପସ୍ଥିତ ଥିଲେ ।

ଗିଫ୍ଟ ତାଲିକାରେ ଅଭିନେତ୍ରୀ କାଟ୍ରିନା କୈଫଙ୍କ ନାଁକୁ ନେଇ ଏବେ ସବୁଠି ଚର୍ଚ୍ଚା । କାରଣ ଉଭୟଙ୍କ ସମ୍ପର୍କ ଦୀର୍ଘଦିନ ହେଲା ଭଲ ନାହିଁ । ତଥାପି ଜନ୍ମଦିନରେ ସଲମାନଙ୍କୁ ପ୍ରାୟ ୩ ଲକ୍ଷ ଟଙ୍କାର ଏକ ସୁନାର ବ୍ରେସଲେଟ ଗିଫ୍ଟ କରିଛନ୍ତି । ସେହିପରି ବିବାଦରେ ଫସିଥିବା ଅଭିନେତ୍ରୀ ଜାକ୍ୟୁଲିନ ଫର୍ଣ୍ଣାଣ୍ଡିଜ ଚୋପାର୍ଡ ବ୍ରାଣ୍ଡର ଏକ ଘଣ୍ଟା ଉପହାର ଦେଇଛନ୍ତି । ଯାହାର ଦାମ୍ ପ୍ରାୟ ୧୨ ଲକ୍ଷ ଟଙ୍କା । ଅଭିନେତା ସଞ୍ଜୟ ଦତ୍ତ ପ୍ରାୟ ୮ ଲକ୍ଷ ଟଙ୍କାର ଏକ ହୀରା ଖଚିତ ବ୍ରେସଲେଟ ଉପହାର ଦେଇଛନ୍ତି । ଅଭିନେତା ଅନିଲ କପୁର ପ୍ରାୟ ୨୯ ଲକ୍ଷ ଟଙ୍କାର ଏକ ଜ୍ୟାକେଟ ଗିଫ୍ଟ ଦେଇଥିବା ବେଳେ, ଅଭିନେତ୍ରୀ ଶିଳ୍ପା ସେଟ୍ଟୀ ପ୍ରାୟ ୧୭ ଲକ୍ଷ ଟଙ୍କାର ସୁନା ଓ ହୀରା ଖଚିତ ବ୍ରେସଲେଟ ଉପହାର ଦେଇଛନ୍ତି ।

ଭଉଣୀ ଅର୍ପିତା ଭାଇଙ୍କୁ ୧୭ ଲକ୍ଷ ଟଙ୍କାର ଏକ ରୋଲେକ୍ସ ଘଡି ଉପହାର ଦେଇଛନ୍ତି । ଭାଇ ସୋହେଲ ୨୫ ଲକ୍ଷ ଟଙ୍କାର ଏକ ବିଏମଡବ୍ଲୁ କାର୍, ଅରବାଜ ୩ କୋଟି ଟଙ୍କାର ଏକ ଅଡି କ୍ୟୁ-8 କାର୍ ଦେଇଛନ୍ତି । ଅର୍ପିତାଙ୍କ ସ୍ବାମୀ ୭୫ ହଜାର ଟଙ୍କାର ଏକ ସୁନା ଚେନ୍ ଉପହାର ଦେଇଛନ୍ତି ।

ବଡକଥା ହେଲା ପୁଅର ଜନ୍ମ ଦିନରେ ବାପା ସଲିମ ଏପରି ଏକ ଗିଫ୍ଟ ଦେଇଛନ୍ତି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଷ୍ଟାର ପୁଅଙ୍କ ଲାଗି ବାପା ଗିଫ୍ଟ ଦେଇଥିଲେ ଜୁହୁସ୍ଥିତ ୧୩ କୋଟି ଟଙ୍କାର ଏକ ଆପାର୍ଟମେଣ୍ଟ ।