ଆଇଆଇପିର ଭାଗିଦାରିତାରେ ମିଲେଟ ଶକ୍ତି ପ୍ରସ୍ତୁତ ଦ୍ରବ୍ୟର ପ୍ୟାକେଜିଂରେ ଗୁଣାତ୍ମକମାନ ବୃଦ୍ଧି କରାଯିବ

ଭୁବନେଶ୍ବର: ମିଲେଟ ଶକ୍ତି ଦ୍ବାରା ଉତ୍ପାଦିତ ଦ୍ରବ୍ୟର ପ୍ୟାକେଜିଂରେ ମାନକୀକରଣ ନିମନ୍ତେ ମଙ୍ଗଳବାର ଏକ ଗୁରୁତ୍ବପୂର୍ଣ୍ଣ ପଦକ୍ଷେପ ସ୍ବରୂପ କୃଷି ଓ କୃଷକ ସଶକ୍ତିକରଣ ବିଭାଗ,ମିଶନ ଶକ୍ତି ବିଭାଗ ଏବଂ ଇଣ୍ଡିଆନ ଇନଷ୍ଟିଚ୍ୟୁଟ୍ ଅଫ୍ ପ୍ୟାକେଜିଂ ମଧ୍ୟରେ ତ୍ରିପାକ୍ଷିକ ରାଜିନାମା କୃଷିଭବନରେ ସ୍ବାକ୍ଷରିତ ହୋଇଛି । ଏହି ଭାଗିଦାରିତାର ଅବଧି ୩ ବର୍ଷ ଅର୍ଥାତ ୨୦୨୩ ଅପ୍ରେଲ ପହିଲାଠାରୁ ଆାରମ୍ଭ କରି ୨୦୨୬ ମାର୍ଚ୍ଚ ୩୧ ପର୍ଯ୍ୟନ୍ତ ରହିଛି । ମେମୋରାଣ୍ଡମ ଅଫ୍ ଆଗ୍ରିମେଣ୍ଟରେ ଓଡ଼ିଶା ସରକାରଙ୍କ କୃଷି ଓ ଖାଦ୍ୟ ଉତ୍ପାଦନ ନିର୍ଦ୍ଦେଶକ ପ୍ରେମଚନ୍ଦ୍ର ଚୌଧୁରୀ, ମିଶନ ଶକ୍ତି ବିଭାଗର ଯୁଗ୍ମ ସଚିବ ବିନେଦ କୁମାର ଜେନା ଏବଂ ଇଣ୍ଡିଆନ ଇନଷ୍ଟିଚ୍ୟୁଟ୍ ଅଫ୍ ପ୍ୟାକେଜିଂର ଯୁଗ୍ମ ନିଦ୍ଦେର୍ଶକ ବାବୁରାଓ ଗୁଡୁରୀ ସ୍ବାକ୍ଷର କରିଛନ୍ତି । ଏହି ରାଜିନାମା କୃଷି ଓ କୃଷକ ସଶକ୍ତିକରଣ ବିଭାଗର ପ୍ରମୁଖ ଶାସନ ସଚିବ ଅରବିନ୍ଦ ପାଢ଼ୀ, ଆଇଆଇପିର ସହକାରୀ ନିର୍ଦ୍ଦେଶକ ଶେଖର ଆମ୍ବେଦକର ଏବଂ ଅନ୍ୟ ବିଭାଗୀୟ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ସ୍ବାକ୍ଷରିତ ହୋଇଛି ।