ସ୍ୱାଭିମାନ ଅଞ୍ଚଳରେ ଖୋଲିଲା ମାଣ୍ଡିଆ ମଣ୍ଡି

ଚିତ୍ରକୋଣ୍ଡା: ଆରମ୍ଭ ହେଲା ମାଣ୍ଡିଆ ମଣ୍ଡି । ଆରଏମସି ଜରିଆରେ ପରିଚାଳିତ ଏହି ମାଣ୍ଡିଆ ମଣ୍ଡି ଚିତ୍ରକୋଣ୍ଡାର ସ୍ୱାଭିମାନ ଅଞ୍ଚଳରେ ଆରମ୍ଭ କରାଯାଇଛି । ଏହି ଅଞ୍ଚଳରେ ଅଧିକ ପରିମାଣରେ ମାଣ୍ଡିଆ ଚାଷ ହୁଏ । ଚାଷୀଙ୍କ ସୁବିଧାକୁ ଦୃଷ୍ଟିରେ ରଖି ଆରଏମସି ପକ୍ଷରୁ ଏହି ମଣ୍ଡି ଆରମ୍ଭ କରାଯାଇଛି । ଚାଷୀଙ୍କୁ କିପରି ମାଣ୍ଡିଆର ଉଚିତ୍ ଦାମ ମିଳିପାରିବ ସେଥିପାଇଁ ଗତବର୍ଷଠାରୁ ରାଜ୍ୟ ସରକାରଙ୍କ ପକ୍ଷରୁ ଏହି ଅଭିଯାନ ଆରମ୍ଭ କରାଯାଇଛି ।

ଗତବର୍ଷ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଘୋଷଣା ପରେ କୃଷିମନ୍ତ୍ରୀ ଅରୁଣ ସାହୁ ଏହାର ଶୁଭାରମ୍ଭ କରିଥିଲେ । ମଣ୍ଡିରେ ମାଣ୍ଡିଆ କିଲୋଗ୍ରାମ ପିଛା ୩୩ ଟଙ୍କା ନିର୍ଦ୍ଧାରଣ କରାଯାଇଛି । ଏହି ମାଣ୍ଡିଆକୁ ଓଡ଼ିଶା ମିଲେଟ ମିଶନ ଦ୍ୱାରା ପରିଚାଳିତ କରାଯାଇଛି । ମିଲେଟ ମିଶନ କିଛି ଏନଜିଓଙ୍କୁ ନେଇ ଚାଷୀଙ୍କ ନିକଟରୁ ନିର୍ଦ୍ଧାରିତ ମୂଲ୍ୟରେ ମାଣ୍ଡିଆ କିପରି କ୍ରୟ କରାଯାଇପାରିବ ସେନେଇ କାର୍ଯ୍ୟ କରୁଛି ।