ବିଶ୍ବର ଶ୍ରେଷ୍ଠ ସ୍ଥାନରେ ମୟୂରଭଞ୍ଜ ରହିଛି, ଏକଥା ସମସ୍ତଙ୍କୁ ଜଣାଇବା ଦରକାର: ମିହିର

ଭୁବନେଶ୍ବର: ଜାତି ନନ୍ଦିଘୋଷ କନକ୍ଲେଭରେ ସମ୍ମାନିତ ଅତିଥି ଭାବେ ଯୋଗ ଦେଇ ବରିଷ୍ଠ ସାମ୍ବାଦିକ ମିହିର ରଞ୍ଜନ ମୟୂରଭଞ୍ଜର ପର୍ଯ୍ୟଟନ ସ୍ଥଳ କଥା ଉଲ୍ଲେଖ କରି ଏହା ବିଶ୍ବର ୫୦ ସ୍ଥାନ ମଧ୍ୟରେ ଗୋଟିଏ କହିଥିଲେ । ନନ୍ଦିଘୋଷ ଟିଭିର ଖବର ପ୍ରସାରଣକୁ ପ୍ରଶଂସା କରିଥିଲେ । ଓଡ଼ିଶା ସମ୍ପର୍କରେ ଏମିତି ଖବର ଦେଖାଅ, ଯାହାକୁ ଜାତୀୟ ଚ୍ୟାନେଲ କେବଳ ଦେଶ ନୁହେଁ, ବିଶ୍ବକୁ ଜଣାଇବାକୁ ବାଧ୍ୟ ହେବେ ।

ଜାତୀୟ ଚ୍ୟାନେଲ ଓ ଆଞ୍ଚଳିକ ଚ୍ୟାନଲ ମଧ୍ୟରେ ପ୍ରଭେଦକୁ ସମ୍ପର୍କରେ କହିବା ବେଳେ, ମିହିର ରଞ୍ଜନ ମୟୂରଭଞ୍ଜ କଥା ଉଲ୍ଲେଖ କରିଥିଲେ । ସେ କହିଥିଲେ, ‘ଜାତୀୟ ଚ୍ୟାନେଲଙ୍କ ଧାରଣା କୌଣସି ପ୍ରାନ୍ତରେ କିଛି ଘଟିଲେ ତାହା ନ୍ୟୁଜ୍ ହେବ । ଓଡ଼ିଶା ଏକ ଶାନ୍ତିପ୍ରିୟ ରାଜ୍ୟ । ଏଠି କିଛି ଘଟୁନି କ’ଣ ଦେଖାଇବୁ । ଜାଣିଲେ ଆଶ୍ଚର୍ଯ୍ୟ ହେବେ କିଛିଦିନ ପୂର୍ବେ ଟାଇମ୍ସ ମ୍ୟାଗେଜିନରେ ବିଶ୍ବର ୫୦ଟି ଦର୍ଶନୀୟ ସ୍ଥାନକୁ ନେଇ ରିପୋର୍ଟ ପ୍ରକାଶ ପାଇଥିଲା । ଏଥିରେ ଭାରତର ଦୁଇଟି ସ୍ଥାନ ଥିଲା । ଗୋଟିଏ ଲେହ ଲଦାଖ ଓ ଅନ୍ୟଟି ମୟୂରଭଞ୍ଜର ଶିମିଳିପାଳ । ଦିଲ୍ଲୀରେ ବସିଥିବା ଲୋକ ଏକଥା ବୁଝି ପାରିବନି । ଆପଣଙ୍କୁ ଏହାକୁ ସେମାନଙ୍କ ପାଖରେ ପହଞ୍ଚାଇବାକୁ ପଡ଼ିବ ।  ବାରମ୍ବାର ପହଞ୍ଚାଇବାକୁ ପଡ଼ିବ । ଯାହାଦ୍ବାରା ସେମାନେ ଏହାକୁ ଅଗ୍ରାଧିକାର ଦେବାକୁ ବାଧ୍ୟ ହେବେ ।’

ନନ୍ଦିଘୋଷ ଟିଭିକୁ ପ୍ରଶଂସା

ନନ୍ଦିଘୋଷ ଟିଭି ବିଜୟ ଯାତ୍ରକୁ ମିହିର ରଞ୍ଜନ ପ୍ରଶଂସା କରିଥିଲେ । ନନ୍ଦିଘୋଷ ଟିଭି ଆରମ୍ଭ ହେବାର ୧୦ ଦିନ ପରେ ଦେଶରେ ଲକଡାଇନ ଲାଗିବାକୁ ମନେ ପକାଇ କହିଥିଲେ, ଏହି ସମୟରେ ଚ୍ୟାନେଲ କେମିତି ନିଜକୁ ପ୍ରତିଷ୍ଠା କରାଇବା ଓ ୩ ବର୍ଷ ମଧ୍ୟରେ ଯେଉଁ ସ୍ଥାନରେ ପହଞ୍ଚିଛି ତାହା ନିଶ୍ଚିତ ପ୍ରଶଂସା ଯୋଗ୍ୟ । ଚ୍ୟାନେଲକୁ ଏହି ସ୍ଥାନରେ ପହଞ୍ଚାଇଥିବାରୁ ନେତୃବୃନ୍ଧ ଓ କର୍ମଚାରୀଙ୍କୁ ଧନ୍ୟବାଦ ।’

ଆଗକୁ ସେ କହିଥିଲେ, ‘ଏଠାକୁ ଆସିବାକୁ ନିମନ୍ତ୍ରଣ ପାଇବା ପରେ ବନ୍ଧଉମାନଙ୍କୁ ଚ୍ୟାନେଲ ସମ୍ପର୍କରେ ପଚାରିଥିଲି । ସମସ୍ତଙ୍କର ଗୋଟିଏ ରାୟ ଥିଲା, ନନ୍ଦିଘୋଷ ଟିଭି ଏକ ବାଲାନ୍ସଡ ଚ୍ୟାନେଲ । ଏଠି ସରକାର, ବିରୋଧୀ, ଅନ୍ୟ ଦଳଙ୍କ ଖବର ସହ ଅନ୍ୟ ଖବର ବି ପାଇବେ । ହେଲେ ଅନ୍ୟ ଚ୍ୟାନେଲରେ ଏମିତି ଦେଖିବାକୁ ମିଳିନଥାଏ । ଏପରି କାମ କରିବା ଆପଣମାନଙ୍କ ସବୁଠାରୁ ବଡ଼ ଉପଲବ୍ଧି ।’

ସେ ଆହୁରି କହିଥିଲେ, ଆଜିକାଲି ଜାତୀୟ ଚ୍ୟାନେଲମାନଙ୍କ ଠାରୁ ଭଲ କଣ୍ଟେନ ଆଞ୍ଚଳିକ ଚ୍ୟାନେଲ ଦେଉଛନ୍ତି । ଯଦି ଆପଣ ଭଲ କଣ୍ଟେନ ଦେଉଛନ୍ତି ଲୋକ ନିଶ୍ଚିତ ଦେଖିବେ । ଲୋକେ ଏବେ ଲୋକାଲ ନୁହେଁ, ଛୋଟ ସ୍ଥାନରେ ଖବର ଦେଖିବାକୁ ଚାହୁଁଛନ୍ତି । ଯେଉଁଥିରେ ସେମାନେ ନିଜକୁ ଦେଖିବାକୁ ଚାହୁଁଛନ୍ତି । ଯାହା ନନ୍ଦିଘୋଷ ଟିଭି ଭଲ ଭାବେ କରୁଛି । ୩ ବର୍ଷରେ ଲୋକ କହୁଛନ୍ତି ନନ୍ଦିଘୋଷ ଟିଭି ବାଲାନ୍ସଡ ଚ୍ୟାନେଲେ । ଆଗାମୀ ୧୦ ପରେ ଲୋକେ କହିବେ ନନ୍ଦିଘୋଷ ଓଡ଼ିଶାର ଏକ ନମ୍ବର ଚ୍ୟାନେଲ ।’