୧୫ ଦିନ ମଧ୍ୟରେ ନିଜ ରାଜ୍ୟକୁ ଫେରିବେ ପ୍ରବାସୀ: ସୁପ୍ରିମକୋର୍ଟ

ନୂଆଦିଲ୍ଲୀ: ନିଜ ରାଜ୍ୟକୁ ଫେରିବେ ପ୍ରବାସୀ  । ୧୫ ଦିନ ମଧ୍ୟରେ ଦେଶର ସବୁ ରାଜ୍ୟରେ ଥିବା ପ୍ରବାସୀ ନିଜ ରାଜ୍ୟକୁ ଫେରିବେ  । ଏନେଇ ସୁପ୍ରିମକୋର୍ଟ ମଙ୍ଗଳବାର ସମସ୍ତ ରାଜ୍ୟ ରାଜ୍ୟ ସରକାର ଓ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି  ।

୨୪ ଘଣ୍ଟାରେ ସ୍ୱତନ୍ତ୍ର ଟ୍ରେନ ଯୋଗେ ନିଜ ନିଜ ରାଜ୍ୟକୁ ପଠାଇବାପାଇଁ ବ୍ୟବସ୍ଥା କରାଯିବ । ଜଷ୍ଟିସ ଅଶୋକ ଭୂଷଣ, ଜଷ୍ଟିସ ସଂଜୟ କିଷନ କାଉଲ ଓ ଜଷ୍ଟିସ ଏମ୍ ଆର୍ ଶହାଙ୍କୁ ନେଇ ଗଠିତ ୩ ଜଣିଆ ଖଣ୍ଡପୀଠ ଏହି କଥା ସ୍ପଷ୍ଟ କରିଛନ୍ତି  ।

ବିପର୍ଯ୍ୟୟ ପରିଚାଳନା ଅଧିନିୟମ ଅନୁଯାୟୀ,ଲକ ଡାଉନ ଉଲଙ୍ଘନ ଅଭିଯୋଗରେ ପ୍ରବାସୀ ଶ୍ରମିକଙ୍କ ବିରୋଧରେ ସମସ୍ତ ମାମଲା ପ୍ରତ୍ୟାହାର କରିବାକୁ ସର୍ବୋଚ୍ଚ ନ୍ୟାୟାଳୟ ନିର୍ଦ୍ଦେଶ ଦେଇଛନ୍ତି  ।

ଜୁଲାଇରେ ଅଧିକ ଶୁଣାଣି ପାଇଁ ଖଣ୍ଡପୀଠ କହିଛନ୍ତି  । ପ୍ରବାସୀ ଶ୍ରମିକ କଲ୍ୟାଣ ତଥା ଯୋଜନା ଗୁଡିକୁ ପର୍ଯ୍ୟାପ୍ତ କରିବା ଉଚିତ ବୋଲି ମଧ୍ୟ କହିଛନ୍ତି ଖଣ୍ଡପୀଠ  ।