ନିର୍ଯାତନାର ଶିକାର ପ୍ରବାସୀ ଶ୍ରମିକଙ୍କୁ ଉଦ୍ଧାର କଲେ ସବ୍ୟସାଚୀ: ମାଡ଼ ମାରୁଥିବା ବ୍ୟକ୍ତି ହେଲେ ଗିରଫ

ଭୁବନେଶ୍ୱର: ପୁଣି ପ୍ରବାସୀ ଶ୍ରମିକଙ୍କୁ ସାହା ହେଲେ ଓଲିଉଡ୍ ଅଭିନେତା ସବ୍ୟସାଚୀ ମିଶ୍ର । ତାମିଲନାଡ଼ୁରେ ନିର୍ଯାତନା ସହୁଥିବା ଓଡ଼ିଆ ଶ୍ରମିକଙ୍କୁ ଉଦ୍ଧାର କରିଛନ୍ତି ସବ୍ୟସାଚୀ । କରୋନା କଟକଣା ଯୋଗୁଁ ତାମିଲନାଡ଼ୁରେ ଫସିରହିଥିଲେ ଉଦ୍ଧାର ହୋଇଥିବା ଶ୍ରମିକ । ସେଠାରେ ସେମାନେ ନା ନା ନିର୍ଯାତନା ସହୁଥିବା ସହ ସେଠାକାର ଜଣେ ବ୍ୟକ୍ତି ମାଡ଼ ମାରୁଥିବା ଦୃଶ୍ୟ ମଧ୍ୟ ସୋସିଆଲ ମିଡିଆରେ ଭାଇରାଲ୍ ହେଉଥିଲା ।

https://twitter.com/n_sibananda/status/1394335133365248003

ଗତକାଲି ଜନୈକ ବ୍ୟକ୍ତି ଜଣଙ୍କ ସୋସିଆଲ ମିଡିଆରେ ଏକ ଭିଡିଓ ସେୟାର କରିଥିଲେ । ଯେଉଁଥିରେ ତାମିଲନାଡ଼ୁରେ ରହୁଥିବା କିଛି ପ୍ରବାସୀ ଓଡ଼ିଆ ଶ୍ରମିକଙ୍କୁ ମାଡ଼ ମାରୁଥିବା ଦେଖିବାକୁ ମିଳିଛି । ମାଡ଼ ମାରୁଥିବା ବ୍ୟକ୍ତି ଜଣଙ୍କ ତାମିଲ ଭାଷାରେ କଥା ହେଉଥିବାରୁ ବ୍ୟକ୍ତି ଜଣଙ୍କ ସେଠାକାର ବୋଲି ଅନୁମାନ କରାଯାଉଛି । ତେବେ ଭିଡିଓ ସେୟାର କରିଥିବା ବ୍ୟକ୍ତି ଜଣଙ୍କ ସୋସିଆଲ ମିଡିଆରେ ଭିଡିଓ ସେୟାର କରିବା ସହ ଏହାକୁ ସବ୍ୟସାଚୀଙ୍କୁ ଟ୍ୟାଗ୍ କରିଥିଲେ ।

Update: DGP Tamil Nadu is informed and he is following up personally. Hope our brothers will be traced and rescued soon.

— SABYASACHI MISHRA 🇮🇳 (@sabyaactor) May 17, 2021

ଏହା ପରେ ସବ୍ୟସାଚୀ ଘଟଣା ସମ୍ପର୍କରେ ଜାଣିବାକୁ ପାଇଥିଲେ । ଏବଂ ସେଠାରେ ଫସିରହିଥିବା ଯୁବକଙ୍କ ଫୋନ୍ ନମ୍ୱର ସଂଗ୍ରହ କରି ସେମାନଙ୍କୁ ଯୋଗାଯୋଗ କରିଥିଲେ । ପରେ ସେମାନଙ୍କୁ ଏକ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିଥିଲେ । ଏବଂ ଓଡ଼ିଶା ପୋଲିସ ଓ ତାମିଲନାଡ଼ୁ ପୋଲିସ ସହାୟତାରେ ମାଡ଼ ମାରୁଥିବା ବ୍ୟକ୍ତି ଜଣଙ୍କୁ ଗିରଫ କରାଯାଇଛି । ଘଟଣା ସମ୍ପର୍କରେ ତାମିଲନାଡ଼ୁ ପୋଲିସ ଡିଜିଙ୍କୁ ମଧ୍ୟ ଅବଗତ କରାଇଥିବା ସବ୍ୟସାଚୀ ଟ୍ୱିଟ୍‌ରେ ସୂଚନା ଦେଇଛନ୍ତି । ଏବଂ ପ୍ରବାସୀ ଓଡ଼ିଆ ଶ୍ରମିକଙ୍କୁ ଖୁବଶୀଘ୍ର ଫେରାଇ ଅଣାଯିବ ବୋଲି ସେ ଆଶା କରିଛନ୍ତି ।