Micromax India ପୁଣି ଫେରିବ ଭାରତ

1 min read
Micromax Announces Comeback To India Set To Launch New Smartphones Soon

ନୂଆଦିଲ୍ଲୀ: ଭାରତର ସ୍ମାର୍ଟଫୋନ୍ ନିର୍ମାଣକାରୀ କମ୍ପାନୀ ମାଇକ୍ରୋମ୍ୟାକ୍ସ ଶୀଘ୍ର ଦେଶରେ ତାର ନୂଆ ସ୍ମାର୍ଟଫୋନ୍ ଲଞ୍ଚ କରିବା ପାଇଁ ପ୍ରସ୍ତୁତି ଚଳାଇଛି । ପ୍ଲାନିଂ ଅନୁସାରେ ଦେଶରେ ନୂଆ ସ୍ମାର୍ଟଫୋନ୍ ସିରିଜ୍ ଲଞ୍ଚ କରିବ କମ୍ପାନୀ । ମୋବାଇଲ୍ କମ୍ପାନୀ ମାଇକ୍ରୋମ୍ୟାକ୍ସର କୋ-ଫାଉଣ୍ଡର ରାହୁଲ ଶର୍ମା ଏନେଇ ଟ୍ୱିଟରରେ ଭିଡିଓ ସେୟାର କରିଛନ୍ତି । ଭିଡିଓରୁ ଜଣାପଡ଼ୁଛି ଖୁବଶୀଘ୍ର ମାଇକ୍ରୋମ୍ୟାକ୍ସ ନୂଆ ସ୍ମାର୍ଟଫୋନ୍ ଆଣୁଛି ।

ତେବେ କମ୍ପାନୀ ନୂଆ ସ୍ମାର୍ଟଫୋନ୍ ସିରିଜ୍ ସମ୍ପର୍କରେ କୌଣସି ସୂଚନା ଦେଇନାହିଁ । କୋ-ଫାଉଣ୍ଡର ରାହୁଲ ଟ୍ୱିଟରରେ ପ୍ରାୟ ୨ ମିନିଟର ଭିଡିଓ ଭାଇରାଲ୍ କରିଛନ୍ତି । ଭିଡିଓରେ କମ୍ପାନୀର ଏବେ ଯାଏଁ ଯାତ୍ରା ସମ୍ପର୍କରେ କହିଛନ୍ତି ରାହୁଲ ।  ବଜାରରେ ଚୀନ ସ୍ମାର୍ଟଫୋନ୍ କବଜା ପରେ କମ୍ପାନୀର ସ୍ମାର୍ଟଫୋନ୍ ବିକ୍ରି କମି ଯାଇଥିଲା ।

ଯେତେବେଳେ ପ୍ରଧାନମନ୍ତ୍ରୀ ଆତ୍ମନିର୍ଭର ଭାରତର ଘୋଷଣା କରିଛନ୍ତି ତ ଆମେ ତା’ଉପରେ କାମ କରିବାକୁ ନିଷ୍ପତ୍ତି ନେଇଛି । ଏଥିପାଇଁ କମ୍ପାନୀ ପୁଣି ଭାରତ ଫେରିବ । ଭିଡିଓରେ ସ୍ମାର୍ଟଫୋନ୍ ବକ୍ସ ପ୍ରଦର୍ଶିତ ହୋଇଛି । ନୀଳ ରଙ୍ଗର ବକ୍ସରେ ଲେଖାଯାଇଛି ‘In’ । ଯେଉଁଥିରୁ ଜଣାପଡ଼ୁଛି କମ୍ପାନୀ ‘In’ ସିରିଜ୍ ସ୍ମାର୍ଟଫୋନ୍ ଲଞ୍ଚ କରିବ ।

କେତେ ରହିବ ଦାମ୍ ?

କମ୍ପାନୀ ଆଣୁଥିବା ସ୍ମାର୍ଟଫୋନ୍ ସମ୍ବନ୍ଧରେ ସୂଚନା ମିଳିନାହିଁ । ତେବେ ଆକଳନ ଅନୁଯାୟୀ କମ୍ପାନୀର ନୂଆ ସ୍ମାର୍ଟଫୋନ୍ ସିରିଜର ମୂଲ୍ୟ ୭ ହଜାର ଟଙ୍କାରୁ ୧୫ ହଜାର ଟଙ୍କା ରହିବ । ଏହି ସ୍ମାର୍ଟଫୋନ୍ ଷ୍ଟକ୍ ଆଣ୍ଡ୍ରୟଡ ସହିତ ନଭେମ୍ବର ମାସରେ ଦେଶରେ ଲଞ୍ଚ ହେବ ।

Opn Commnet Area

Leave a Reply

Your email address will not be published. Required fields are marked *

Close Bitnami banner