ଭୁବନେଶ୍ବର: 5T କାର୍ଯ୍ୟକ୍ରମରେ ସାମିଲ ହେଲା ମେଟ୍ରୋ ରେଳ ପ୍ରକଳ୍ପ । ଭୁବନେଶ୍ୱର ଏୟାରପୋର୍ଟରୁ ତ୍ରିଶୁଳିଆକୁ ସଂଯୋଗ କରିବ ମେଟ୍ରୋ ରେଳ । ପରବର୍ତ୍ତୀ ପର୍ଯ୍ୟାୟରେ ଖୋର୍ଦ୍ଧା, ପୁରୀକୁ ସଂଯୋଗ କରିବ ମେଟ୍ରୋ ରେଳ । ଦିଲ୍ଲୀ ମେଟ୍ରୋ ରେଳ କର୍ପୋରେସନ ପକ୍ଷରୁ ପ୍ରସ୍ତୁତ ହେଉଛି DPR । ରାଜଧାନୀ ଭୁବନେଶ୍ବରରେ ମେଟ୍ରୋ ଟ୍ରେନ୍ ଚଳାଇବାକୁ ରାଜ୍ୟ ସରକାର ରୂପରେଖ ପ୍ରସ୍ତୁତ କରିସାରିଛନ୍ତି । ପ୍ରଥମ ପର୍ଯ୍ୟାୟରେ ୨୦ଟି ସ୍ଥାନରେ ହେବ ମେଟ୍ରୋ ରେଳ ଷ୍ଟେସନ । ଭୁବନେଶ୍ବର ମେଟ୍ରୋ ରେଳ ନିଗମ ଦ୍ବାରା ଆୟୋଜିତ ବୈଠକରେ DMRC ବିସ୍ତୃତ ପ୍ରକଳ୍ପ ରିପୋର୍ଟ ମୁଖ୍ୟ ସଚିବଙ୍କ ନିକଟରେ ଦାଖଲ କରିଛନ୍ତି ।
ତେବେ ଏହି ୨୦ଟି ଷ୍ଟେସନ ହେଉଛି ବିଜୁ ପଟ୍ଟନାୟକ ବିମାନବନ୍ଦର, କ୍ୟାପିଟାଲ ହସ୍ପିଟାଲ, ଶିଶୁ ଭବନ, ବାପୁଜିନଗର, ଭୁବନେଶ୍ୱର ରେଳ ଷ୍ଟେସନ, ରାମ ମନ୍ଦିର ସ୍କୋୟାର, ବାଣୀବିହାର, ଆଚାର୍ଯ୍ୟ ବିହାର ସ୍କୋୟାର, ଜୟଦେବ ବିହାର ସ୍କୋୟାର, ଜାଭିୟର ସ୍କୋୟାର, ରେଳ ସଦନ, ଡିଷ୍ଟ୍ରିକ୍ ସେଣ୍ଟର, ଡମଣା ସ୍କୋୟାର, ପଟିଆ ସ୍କୋୟାର, କିଟ୍ ସ୍କୋୟାର, ନନ୍ଦନ ବିହାର, ରଘୁନାଥପୁର, ନନ୍ଦନକାନନ ଜୁଲୋଜିକାଲ୍ ପାର୍କ, ଫୁଲାପୋଖରୀ ଏବଂ ତ୍ରିସୁଲିଆ ସ୍କୋୟାର, କଟକ ।
