ଆଜିଠୁ ଟ୍ରାକରେ ଦିଲ୍ଲୀ ଲାଇଫ୍ ଲାଇନ୍…ପାଞ୍ଚ ମାସ ପରେ ମେଟ୍ରୋ ସେବା ପାଇବେ ଦିଲ୍ଲୀବାସୀ

ନୂଆଦିଲ୍ଲୀ: ପୁଣି ଟ୍ରାକରେ ଦିଲ୍ଲୀ ମେଟ୍ରୋ । ପାଞ୍ଚ ମାସ ପରେ ଟ୍ରାକକୁ ଓହ୍ଲାଇଛି ଦିଲ୍ଲୀ ଲାଇଫ ଲାଇନ୍ । କରୋନା କଟକଣା ପାଇଁ ଦୀର୍ଘ ପାଞ୍ଚ ମାସ ଧରି ବନ୍ଦ ରହିଥିଲା ଦିଲ୍ଲୀର ଲାଇଫ ଲାଇନ୍ କୁହାଯାଉଥିବା ମେଟ୍ରୋ ଟ୍ରେନ୍ । କରୋନା ପାଇଁ ସଚେତନତା ସୁରୂପ ଷ୍ଟେସନରେ ସାନିଟାଇଜ୍ କାମ ଶେଷ ହୋଇଛି ।

ଯାତ୍ରୀଙ୍କୁ ସଚେତନ କରାଇବା ପାଇଁ ସମସ୍ତ ପଦକ୍ଷେପ ନେଇଛି ଦିଲ୍ଲୀ ମେଟ୍ରୋ । ତେବେ କଟକଣା ମଧ୍ୟରେ ଗଡୁଛି ଦିଲ୍ଲୀ ମେଟ୍ରୋ । କରୋନା ପାଇଁ ସ୍ୱତନ୍ତ୍ର ଭାବେ ଗାଇଡଲାଇନ୍ ଜାରି ହୋଇଛି । ମେଟ୍ରୋରେ ଯାତ୍ରା କରିବାକୁ ହେଲେ ପ୍ରଥମେ ଯାତ୍ରୀଙ୍କ ଥର୍ମାଲ ସ୍କ୍ରିନିଂ ହେବ । ଲକ୍ଷଣ ନଥିବା ଯାତ୍ରୀଙ୍କୁ ମିଳିବ ସୁବିଧା ।

ବିନା ମାସ୍କରେ ଯାତ୍ରୀଙ୍କୁ ଏଣ୍ଟ୍ରି ମିଳିବ ନାହିଁ । ମୋବାଇଲରେ ଆରୋଗ୍ୟ ସେତୁ ଆପ୍ ଡାଉନଲୋଡ୍ କରିବା ଉପରେ ଗୁରୁତ୍ୱ ଦିଆଯାଇଛି । ପେପର ସ୍ଲିପ୍ ଟିକେଟ୍ ପାଇଁ ସାନିଟାଇଜ୍ ବାଧ୍ୟତାମୂଳକ ରହିଛି । କମ୍ ଜିନିଷ ସହ ଯାତ୍ରୀ ଯାତ୍ରା କରିପାରିବେ ।  କଣ୍ଟେନମେଣ୍ଟ ଜୋନରେ ଖୋଲିବନି ମେଟ୍ରୋ । ଯାତ୍ରୀଙ୍କ ସୁବିଧା ପାଇଁ ଷ୍ଟେସନରେ ରହିଛି ସାନିଟାଇଜର୍ ।

ଯାତ୍ରୀମାନେ ସ୍ମାର୍ଟ କାର୍ଡ ବ୍ୟବହାର କରିବା ଉପରେ ଗୁରୁତ୍ୱ ଦିଆଯାଇଛି । ଦିଲ୍ଲୀବାସଙ୍କ ପାଇଁ ଜାରି ହୋଇଥିବା SOP ଅନୁଯାୟୀ ପ୍ରଥମ ପର୍ଯ୍ୟାୟରେ ସକାଳ ୭ରୁ ୧୧ଟା ଯାଏଁ ଚାରି ଘଣ୍ଟା ପାଇଁ ଚାଲିବ ମେଟ୍ରୋ । ସେପ୍ଟେମ୍ବର ୯ ତାରିଖରେ ଦ୍ୱିତୀୟ ଓ ସେପ୍ଟେମ୍ବର ୧୦ ତାରିଖରେ ତୃତୀୟ ପର୍ଯ୍ୟାୟରେ ଗଡିବ ମେଟ୍ରୋ । ଦିଲ୍ଲୀ ମେଟ୍ରୋ ସମେତ ଲକ୍ଷ୍ନୌ ମେଟ୍ରୋ ମଧ୍ୟ ଗଡିବା ପାଇଁ ପ୍ରସ୍ତୁତ ହୋଇ ରହିଛି ।