ଆଜି ରାତିରେ ଆକାଶରେ ହେବ ଉଲକା ପିଣ୍ଡ ବର୍ଷା, ପୂରା ଦେଶ ଦେଖିବ ଦୃଶ୍ୟ

କୋଲକାତା: ଦେଶବ୍ୟାପୀ ରବିବାର ରାତି ଓ ସୋମବାର ଭୋରରୁ ଉଲକା ପିଣ୍ଡ ଆକାଶରେ ଛାଇଯିବ । ଏମପି ବିଡଳା ତାରାମଣ୍ଡଳ ନିର୍ଦ୍ଦେଶକ ଦେବୀପ୍ରସାଦ ଦୁଆରୀ ଏକ ପ୍ରତିକ୍ରିୟାରେ କହିଛନ୍ତି- ‘ଜ୍ୟୈମିନିଡ’ ନାମକ ଏକ ଉଲକା ପିଣ୍ଡ ପୃଥିବୀ ଆଡ଼କୁ ଖଣ୍ଡ ଖଣ୍ଡ ହୋଇ ଆସିବ । ଡିସେମ୍ବର ୧୩ ରାତିରେ ଏହାର ପ୍ରଭାବ ଦେଖାଯିବ । ଏହା ବର୍ଷର ସବୁଠୁ ବଡ଼ ଉଲକା ପିଣ୍ଡ ବର୍ଷା ହେବ ।

ସେ ଆହୁରି କହିଛନ୍ତି- ଯଦି ଆକାଶରେ ପରିସ୍ଥିତି ଅନୁକୂଳ ରୁହେ ତ ‘ଜ୍ୟୈମିନିଡ୍’ ଉଲକା ପିଣ୍ଡ ବର୍ଷା ଦେଶର ପ୍ରତ୍ୟେକ ଭାଗରେ ଦେଖାଯିବ । ଉଲକା ପିଣ୍ଡ ବର୍ଷା ବେଳେ ଉଜ୍ଜ୍ୱଳ ଆଲୋକର ଚମକ ଦେଖାଯିବ । ଯାହାକୁ ବିଶେଷକରି ରାତିରେ ଆକାଶରେ ଦେଖି ହେବ । ଏହକୁ ସୁଟିଂ ଷ୍ଟାର ବି କୁହନ୍ତି । ବାସ୍ତବରେ ଯେତେବେଳେ ଧୂଳିକଣା ଭଳି ଏକ ଛୋଟିଆ ବସ୍ତୁ ଦ୍ରୁତ ଗତିରେ ପୃଥିବୀ ଆଡ଼କୁ ଆସେ ତ ବାୟୁ ମଣ୍ଡଳରେ ପ୍ରବେଶ ମାତ୍ରେ ଘର୍ଷଣ ଯୋଗୁଁ ଉଜ୍ଜ୍ୱଳ ଆଲୋକ ଦେଖା ଯାଇଥାଏ ।

ବର୍ଷର ଏକ ନିର୍ଦ୍ଦିଷ୍ଟ ସମୟରେ ଆକାଶର ଏକ ନିର୍ଦ୍ଦିଷ୍ଟ ଭାଗରେ ଗୋଟିଏ ନୁହେଁ ଅନେକ ଉଲକା ପିଣ୍ଡ ଦେଖିବାକୁ ମିଳିଥାଏ । ଯାହାକୁ ଉଲକା ପିଣ୍ଡ ବର୍ଷା କୁହାଯାଏ । ପୃଥିବୀର ବିଭିନ୍ନ ଉଲକା ତାରା, ସୂର୍ଯ୍ୟଙ୍କ ନିକଟବର୍ତ୍ତୀ ହେବା ପରେ ଧୂଳି ଆବର୍ଜନା ଦେଇ ଗତିକଲେ ଉଲକା ପିଣ୍ଡ ବର୍ଷା ହୋଇଥାଏ । ଏଥିରୁ ‘ଜ୍ୟୈମିନିଡ’ ଉଲକା ପିଣ୍ଡ ବର୍ଷା ସୁନ୍ଦର ଅଟେ । ପ୍ରତିବର୍ଷ ଡିସେମ୍ବର ଦ୍ୱିତୀୟ ସପ୍ତାହ ପାଖାପାଖି ଉଲକା ବର୍ଷା ହୁଏ । ଚଳିତବର୍ଷ ଆକାଶ ସଫା ଥିବାରୁ ଘଣ୍ଟା ପ୍ରତି ୧୫୦ ଉଲକା ପିଣ୍ଡ ବର୍ଷା ଦେଖାଯିବାର ସମ୍ଭାବନା ରହିଛି ।