ଗିନିଜ୍ ଓ୍ୱାର୍ଲଡ ରେକର୍ଡ଼୍ସରେ ବିଶ୍ୱର ଡେଙ୍ଗା ପରିବାର, ହିଲ୍ ପିନ୍ଧିପାରୁନାହାଁନ୍ତି ବୋଲି…
1 min read
ଓ୍ୱାଶିଂଟନ୍: ଆମ ମଧ୍ୟରେ ଅନେକ ଲୋକ ଥାଆନ୍ତି, ଯେଉଁମାନେ ଡେଙ୍ଗା ହେବାକୁ ପସନ୍ଦ କରନ୍ତି । କୁହାଯାଏ ଡେଙ୍ଗା ବ୍ୟକ୍ତି ଖୁବ୍ ଆକର୍ଷଣୀୟ ହୋଇଥାନ୍ତି । କିନ୍ତୁ କ’ଣ ଆପଣ ବିଶ୍ୱର ସବୁଠାରୁ ଡେଙ୍ଗା ପରିବାରରେ ସାମିଲ ହେବାକୁ ଚାହିଁବେ ? ଆମେରିକାର ଏସ୍କୋର ଟ୍ରାପ୍ ପରିବାର ଏହି ସମସ୍ତ ରେକର୍ଡ ଭାଙ୍ଗିଛନ୍ତି । ଏହା ସହିତ ଗିନିଜ୍ ଓ୍ୱାର୍ଲଡ ଅଫ୍ ରେକର୍ଡ଼୍ସରେ ନିଜ ନାଁ ସାମିଲ କରିଛନ୍ତି । ୫ ଜଣ ସଦସ୍ୟ ବିଶିଷ୍ଟ ଏହି ପରିବାରର ସମସ୍ତଙ୍କ ଉଚ୍ଚତା ୨୦୩.୨୯ ସେଣ୍ଟିମିଟର ବା ୬ ଫୁଟ ୮.୦୩ ଇଞ୍ଚ ।ଯଦି ଆପଣ ପୂରା ପରିବାରର ଉଚ୍ଚତାକୁ ମିଶାଇବେ ତେବେ ତାହା ଟେନିସ୍ କୋର୍ଟର ଅଧା ହେବ । ଏହି ସମସ୍ତ ସଦସ୍ୟଙ୍କ ନାଁ ଯଥାକ୍ରମେ ସ୍କଟ୍,କ୍ରିସି, ସବାନ୍ନା, ମୋଲି ଏବଂ ଆଦାମ୍ । ଏମାନେ ଏକାଧିକ କ୍ରୀଡ଼ା ପ୍ରତିଯୋଗିତାରେ ଅଂଶଗ୍ରହଣ ମଧ୍ୟ କରିଥାନ୍ତି ।
ନିକଟରେ ଉକ୍ତ ପରିବାରର ଏକ ଭିଡ଼ିଓକୁ ଗିନିଜ୍ ଓ୍ୱାର୍ଲଡ ରେକର୍ଡ଼୍ସ ତା ଇଂଷ୍ଟାଗ୍ରାମ ଆକାଉଣ୍ଟରେ ଶେୟାର କରିଛି । ଯାହାକୁ ଲୋକ ବାରମ୍ବାର ଦେଖୁଛନ୍ତି । ବିଶେଷକରି ଏହାକୁ ଏପର୍ଯ୍ୟନ୍ତ ୫ ଲକ୍ଷ ୧୦ ହଜାରରୁ ଅଧିକ ଥର ଦେଖା ସରିଲାଣି । ଖାଲି ସେତିକି ନୁହେଁ ୪ ଲକ୍ଷ ୮୬ ହଜାରରୁ ଅଧିକ ଲାଇକ୍ସ ମଧ୍ୟ ମିଳିଛି ।
View this post on Instagram
ଡେଙ୍ଗାହୋଇଥିବାରୁ କେତେକ ସମସ୍ୟା ସୃଷ୍ଟି ହେଉଥିବା ମଧ୍ୟ କୁହନ୍ତି ଏହି ପରିବାର । ଏହି ପରିବାରର ଜଣେ ସଦସ୍ୟଙ୍କ କହିବା ହେଉଛି ଇଛା ଥିଲେ ମଧ୍ୟ ହିଲ୍ ପିନ୍ଧିବା ଅସମ୍ଭବ । ସମସ୍ତଙ୍କର ଭିନ୍ନ ଭିନ୍ନ ସମସ୍ୟା । କିନ୍ତୁ ପିଲାମାନଙ୍କୁ ଏତେ ଡେଙ୍ଗା ହେବାର ଦେଖି ସେମାନଙ୍କ ବାପା ମଧ୍ୟ ଆଶ୍ଚର୍ଯ୍ୟ ହୋଇ ଯାଇଥିଲେ । ତେବେ ଏହି ଭିଡ଼ିଓ ଦେଖିବା ପରେ ଲୋକେ ଭିନ୍ନ ଭିନ୍ନ ଭୟଙ୍କର କମେଣ୍ଟସ ସବୁ ଦେଉଛନ୍ତି ।
ତେବେ ଏହି ପରିବାରକୁ ନେଇ ଆପଣଙ୍କ ମତ କ’ଣ ? କମେଣ୍ଟ ବକ୍ସରେ ନିଶ୍ଚୟ ଜଣାଇବେ ।
